(08-14-2011, 08:21 AM)الطرطوسي كتب:  بس بتمنى تسألي رفيقك مين بدو يسترجي يفوت بين مئات المتظاهرين و يصورن و هنن عما يقولوا شعارات طائفية؟
على كل حتى الشعار اللي اعترف فيه صاحبك يكشف عن خلفية طائفية مقيتة.
.

تكرم عينك.. هي الرد جا من صديقي اللاذقاني :

قله هاد انه اي حدا مكن يكون مع المتظاهرين لأنهم لما يتظاهروا و يمشوا و يمشوا ناس معهم ما بيسألوهم عن هوياتهم و لا دينهم فهاد جاهل و عم يحكي و تاني شئ كل امة محمد بالمظاهرات كانت عم تصور وين هالشعارات بئا يجبلي مقطع واحد هالكذاب و خمسين واحد بيكون عم يصور المظاهرة و ناس ما بتعرف ناس عم تتظاهر فحاج يخرط ع سمانا .

أما عن الشعار ...فلا ما ارقى لفظا الشعار صحيح مية المية لأن الي موجود عندنا ما بيخاف الله و لو بيخاف الله ما بيقتل شعبه و انا ماني محموق بس هوة ليش مبعوص من الشعار هاد ...و الله وقت ابن الكلب بده يقتل شعبه معناها ماله لزمة و مابدنا ياه و بدنا واحد يخاف الله بشعبه و ما يكون ممسحة بايد ايران و منبطح قدامها ع الاقل يحترم حاله و يكون ند لند عل الاقل متل ما كان ابوه.

(08-14-2011, 08:21 AM)الطرطوسي كتب:  بس بتمنى
من كل أحياء اللادقية العلوية صاحبك ما شاف غير حي الزراعة ما بعرف ليس ما شاف الدعاتير مثلا .طيب و أنا من كل احياء اللاذقية السنية مصر ما شوف إلا الكورنيش الجنوبي.
شعار كلب إيران كان في درعا للأمانة و ليس في اللاذقية و لم أقل أنه في اللاذقية و على كل ليش محموق ما الشعار الذي اعترف فيه " لا إيران و لا حزب الله بدنا رئيس يخاف الله "يؤدي نفس الغرض كل ما في الأمر أنه أرقى لفظا.

بالنسبة للضيع العلوية أتمنى أن يعرف لي ما هو أحسن تخديم؟
الكهرباء و الطرقات موجودة إلى كل قرية نعم و لكن هل هناك في سوريا كلها قرية واحدة في أي ريف ليس فيها طريق و كهرباء.
و لكن هل يجهل صاحبك أو يتجاهل وجود قسم لا بأس به من ريف اللاذقية العلوي (بما فيه ذلك المحيط بالقرداحة) مصنف من القرى العطشى أي التي تشتري المياه من الصهاريج رغم أن المحافظة تقبع على أكبر خزان مائي في سوريا.
هل توجد قرى سنية عطشى في ريف اللاذقية؟
أما الفيلات في بعض القرى فهي قصور للأغنياء الذين ياتون للاصطياف و لا تمت بصلة إلى النسيج الاجتماعي و السياق العام للقرى و مصيبة إذا كان صاحبك لا يعرف ذلك.
أنا لم أتكلم عن مرفأ طرطوس. أنا تكلمت عن قطاع النقل البحري. أي مالكوا البواخر مالكوا شركات تخديم البواخر مالكو مكاتب سمسرتها إلخ و هؤلاء جميعا من السنة هم و جميع العاملين عندهم. و هذا القطاع يمثل أكثر من نصف الناتج المحلي للمحافظة.
بالنسبة لمرفأ اللاذقية ليس عندي إحصائيات ديمغرافية عن موظفيه و لكني مستعد لعمل بحث عن التوزيع الطائفي لموظفيه.
و إذا كان هناك خلل ديمغرافي فأنا أتعهد بأن أدعو لمظاهرة "مع ترخيص" و أن لا أخرج فيها فقط بل أخرج فيها عددا كبيرا من العلويين لمعالجة هذا الخلل.
أما مرفأ طرطوس فليس فيه هذا الخلل و نسبة السنية من موظفيه هي كنسبتهم في المحافظة.
بالنسبة للكشافين فهم موظفون (في الجمارك و ليس المرفأ) و راتبهم الحلال لا يعدو أي راتب حكومي آخر أما إذا كان صاحبك تواقا ليأكل الحرام فهو شأنه. أنا شخصيا رفضت الوظيفة في مديرية الموانئ لأن راتبها الحلال كان يومها 7700 ليرة.
و مع ذلك فالكشافون الجمركيون و غيرها من الوظائف المغرية لمن يريد أن يأكل الحرام ينتمون لجميع الطوائف و بتوازن في مرفأ طرطوس.
و مرة أخرى لا أعرف عن اللاذقية و لكني مستعد للنزول في مظاهرة و بدون ترخيص إذا بدك لطرد جميع الكشافين الجمركيين من العلويين لأنهم ليسوا مكسبا لأي مجتمع بل دود ينخر به.

الزراعة اكبر منطقة و معها مناطق كتير متلها متل المشاريع و لا ما بيعرفهم كمان و تاني شئ قله المنطقة اسمها الدعتور ما الدعاتير و هية منطقة فقيرة و بلزقها في قنينص و بساتين الريحان هادول ماشافهم و لا بيعرفهم انهم سنة و وضعهم اخرى من الدعتور بس شفلي الدعتور و نسي الزراعة و بده بالمقابل ننسا قنينص و بساتين الريحان و اراضي علي الجمال و نتذكر الاحياء الغنية السنية و قله انه نص سكان الكورنيش الجنوبي علوية و لا ما بيعرف و بالمرة اسئله مشروع افاميا و هية من المناطق الغالية مين اغلب سكانها ؟؟

قله في ضيع كتير سنة و تركمان مافيها تلفون حتى و الكهرباء بالرشوة و اذا بده يطلع يشوف الضيع بعد السرايا و الخضرة و يشوف شوفيها خدمات و ما كتير يتبجح لأن اهل السمراء نفسهم تعون كسب عم يشتكوا من الكهرباء و التلفون و الطرق

هالحكي بيصير ع الضعتين سوا السنية و العلوية و اكيد مالهم علاقة فيه السنة ف يروح يحاسب المسؤولين العلوية عن هالشئ اللي لأن مافي مسؤول سني بيحك ورا دانه و مافي عنصر امن علوي باي ضيعة الا قادر يعمل اللي بده اذا بده و قله ما كتير يتشدق لأن سلمى من اكبر مصايف اللادئية مافيها مي و بيشتروه مشترى و لا ما بيعرف و المهم يحكي و يلعي

قله لصاحبك انه هالقصور مانها للأصطياف و هية لناس من الضيعة حرامية و مسؤولين و ضباط امن و مخابرات و اذا ما بيعرف هالشئ بيكون كذاب و اكبر مثال يطلع يشوف اول طريق الطالع من اللادئية ع جبلة في اربع خمس فيلات ع هالشاكلة و بالضيع في اكتر لأن اساسون هنيك

طبعا و شئ طبيعي يكون اغلب النقل و هالامور للسنة و للزيراوية تحديدا لأنهم ولدوا بالبحر و بيعيشوا فيه و لا حضرتكم بدكم تاخذوا الجبل و البحر سوا بس هي شغلة التشبيح و ما يخلوا حدا يشتغل بلاها لأنها مضحكة و اذا بده يشوف التشبيح يجي يشوف مرفأ اللادئية و شبيحة بيت الاسد من المقبور عمهم جميل و شركة الساحل و مرورا بباقي عيلة الاسد و المخلوف و شاليش

قله لصاحبك حاج بئا الكل بيعرف عدد موظفين المرفأ و الجمرك من السنة كام واحد و الباقي من وين و ينزل يشوف الكشافين اللي هنة ادنى وظيفة كل واحد كام سيارة عنده و اذا بيحب مشان يسكت بجبله اسمائهم و انواع سياراتهم و مافي معاملة مستحيل تمشي بدون رشوة حتى لوكانت نظامية و بيعرف هالحكي يا بيدفع رشوة يا بيتأخر البيان و ما بينكشف ع البضاعة و بيصير الكلب الكشاف مافاضي و ماقادر تجبره و بيصير المنفست ماموجود و الاضبارة بتنام بدرج الموظف و هات خسائر و ضرائب تأخير و اذا هوة شريف ع كلامه ف كل الموظفين بالجمارك و المرفأ حرامية و برخصة و حاج يحكي بشئ ما بيعرفه .

--------------------------------------
انتهى الاقتباس.

هلئ عندي ملاحظة صغيرة على الهامش : طالما الوضع مأساوي كل هالأد عند العلويين فالمفروض يكونوا بطليعة الثورة مش مع طلائع الشبيحة .!! نحنا ما حنضحك على بعض الأسباب الاقتصادي كانت و لا زالت دافع كبير لخروج المتظاهرين خاصة بالأرياف المحرومة .

التصاقهم بالنظام لم يعد يترك مجالاً للشك ,أي اننا بمواجهة نظام طائفي .