(((( لا ننكر فساد النظام السابق و لكن كل نظام كاى نظام غير منزه عن الخطأ )))

قد اوافقك فى كثير مما قلتيه ولكن اسمحى لى فى العبارة المقتبسة بالاعلى فتوصيفك لا ينطبق على النظام المصرى ولا حتى الليبى ولا السورى ولا الانظمة العربية .. بتقولى " نظام كأى نظام " ازاى بس يا عزيزتى ؟

انت بتقارنى النظام المصرى بالنظام الليبى يا بسنت ؟
النظام المباركى كان نظام فاسد مستبد جرف مصر سياسيا وعلميا واجتماعيا وأفسد الحياة ظاهرها وباطنها .. نظام شيطانى يعنى حتى الوظائف الدنيا كانت تتم بالواسطه والواسطه تختار الاقرب والاسخى ولا علاقة بالكفاءات لهذا فحال البلد منهار وقيمتها فى الحضيض داخليا وخارجيا

اختارى اى مجال وابحثى فيه هتلاقى بلاوى سوده وفساد لا مثيل له فى دول الواق واق مش تقولى نظام زى اى نظام

تروحى التحرير متروحيش التحرير هذا لا يقلل من انتمائك لبلدك .. على راحتك مش دى المشكلة بس المهم متروحيش مع العيال بتوع " آسفين يا نونوس "

حكاية حرق الاقسام دى بقى تحتاج لتفصيل لان اللى كان بيحاول يحرق القسم كان بيحرق رموز الفساد والذل وبيهدم باستيل مصر واللى كان بيدافع عن الاقسام كانوا انواع منهم اللى فعلا كان بيؤدى عمله ودا لم يضرب احد فى الرأس ولم يسقط شهداء حول القسم بالعشرات منهم اطفال وشباب جميعهم عزل لا يحملون اسلحة غير الطوب

علشان كدا المسالة دى محتاجة دراسة قسم قسم وحالة حالة لان ممكن فى اماكن ندين الضابط وفى اماكن اخرى نتسامح معه طالما لم يضرب فى رؤوس المتظاهرين ولم يتعمد اسقاط قتلى او تشويههم بالضرب فى الوجه

وطبعا الثورة لو كانت فشلت كان زمان الضباط دول بقوا لواءات واترقوا ودا هو حلمهم اللى كان بيروادهم لما ضربوا بكل قسوة فى رؤوس الشباب بالخارج

كل ما ذكرتيه من اقتصاد مهشم و.... الخ هو الحصاد المر للفترة السوداء فى تاريخ مصر وحكمها بواسطه سوزان وابنها وزوجها خيال المآته عديم النفع منخفض الذكاء او معدومه