(08-31-2011, 10:18 PM)NigHtMaRE كتب:  

اقتباس:3- لأ, و لا بأيا مكان تاني بالوطن العربي

ليش يا أختي ؟؟؟ ليش ؟؟؟

و اللاوي يا أخي شفتلك بمنامي خير اللاوم اجعله خير هيك شيخ بلحية بيضااااااااااا و لا بس توب أبيييييييييييييييييض و حوليه ضو فكرته بالأول جيسس بس بعدين أتاريه طلع بيحكي عربي
فقلتله إنت مين؟ قلي مو مهم .. المهم ركزي معي هلأ و إزا نعسانة برجع بوقت تاني ..أنا كان عندي امتحان تاني يوم و ما بدي يضل بالي مشغول فقلتله لأ لا نعسانة و لا إشي .. سولف
فبلش يسولف.. و لا شو بقلي؟ بقلي يا بنتي يا نارينا جبت هادا لحتى نشوفه سوا.. أعطاني كتاب و بالمية يااللاو لحتى حملته .. لا تتخيل قديش تقيل يا أخي كابوس.. المهم شو ساويت؟ حطيته بعرباية الباطون و ركيت العرباية عالحيط .. بعدين جبنا جنبية و قعدنا قبال العرباية و بلش يورجيني الكتاب.. و لا ما ألاقيلك غير وصلنا لصفحة فيها صورة بتتحرك لواحد بيلعب ببلونتين كبار و البلونتين مربوطين بخيط بس الخيط عم بقش كل اللي قدامه منظر غريب عجيب يعني و صفحة تانية فيها صورة بغل قاعد بقفص وبسير بده يطلع من القفص بينزل عليه قفص تاني أكبر و الصورة التالتة لزرافة كأنها شربانة إشي ما بعرف ملفوف على رقبتها 3 شبرات بيضا و زرقا و حمرا وهيك بتحس الشبرات و الزرافة مو راكبين على بعض بالمرة.. الصورة الرابعة لحمار حامل عكازة و بيتهزهز ومع هيك بيركب كل حمار أو حمارة بتيجي بطريقه! تخيل! الصورة الخامسة كانت لسطل على شكل "إنسان" مضروب و مطعوج و حارقين فيه زفتة و حالته حالة .. السادسة كانت لفيل ماشي ورا حبة موز محطوط عليها تاg كتير كبير على موزة فكيف لما تكون معفنة! السابعة كانت لتفاحة من برا بتشوفها بتضوي ضوي بتفتحها بتلاقيها مدودة و ريحتها بتقررررررررررررررررررررف .. التامنة كانت لخز و قحبة .. القحبة بتكون بتحكي للخز بكرة بتطلع بتحكيلهم هصصصصصصصصص و لا حرف و إلا بفضح الطابق كله ووقتيها أنا بهرب مع أخويي و الشلة و إنت بتاكل هوا لحالك .. الخز بيطلع بيحكيلهم هصصصصصصصصص و لا حرف مشان يضل الطابق مستور بس و هوي بالياللاو عم بيبلع ريقه..التاسعة كانت لشوربة فيران و جرادين

كل الصور كان عليهم إكسات و في إكسات أكبر من إكسات تانية
بس اللي لفت نظري جلدة الكتاب من برا .. كان عليها إكس كبيرة بالأسود قديييييييييييييييييييييمة و مقحطة و فوقيها إكس كبييييييييييييييييرة جديدة بالأحمر
سألت الشيخ هادا الكتاب ليش هيك جلدته؟ ضحك عليي و قلي يا نارينا هادا مو كتاب أصلاً.. مسكته و لا فعلاً بلش يتفتفت بإيدي

رن الألارم.. نقزت .. مو من الحلم يا كابوس.. لأنه كان عندي امتحان متل ما قلتلك و أنا ما إلي نفس أروح لأني مو دارسة منيح لأنه ما كان بدي أدرس منيح لأنه الإمتحان كان بمادة بتشبه مادة ه "الكتاب" .. يعني إشي بلا طعمة

و بعدين بعد الإمتحان قعدت مع البنات بحكيلهم عن الحلم و لا وحدة بتقلي يا نارينا أنا شايفة هالحلم فيلم.. وين يا ربي؟ وين يا ربي؟

زكرتني خليني أرنلها أشوف إزا تزكرت أو لأ بعدين أروح أنام .. يقطع رمضان ع أبو رمضان ع أبو العيد شو إنه حبالهم طويلة و لعنة اللاو على قثم و أم قثم و أبو قثم ووجع يخلع نيعهم بجاه هالليلة المباركة آمين يا رب العالمين .. سمعت إنه قثم إجا بعد موتة أبوه ب 3 سنين.. مزبوط هالحكي يا ترى؟