جميل

حقيقة تحار الأقلام وتتجمد الكلمات حائرة على الشفاه وتدور العيون في مآقلها ويزيغ البصر حين يسمع هذه الحجج الألمعية والخطب اللوذعية، وألجأ لأقرب منديل أمسح ما سال من أنفي متأثرا، وبجوز كمان شوي أصدح بكلمة الكفر وأرفض الإسلام جملة وتفصيلا....

بصراحة يا جماعة الخير، بدي أقولها ورزقي على الله... شغلكم ضمن هذا الاتجاه لا يقل إساءة للعالمانية عن إساءة السلفيين للإسلام. يعني بحتار شلون بدكم تجمعوا الناس وراكم وانتم تخاطبون الناس هكذا.

يعني لو العالمانيين في أوربا ابتدؤوا الناس لتحقير السيدة مريم وشتم الرسل والحواريين والقديسين بجوز لا سمعنا بفولتير ولا عرفنا ان في واحد اسمه جان جاك روسو...

وكمان بس ناقص مداخلات مرة حلو ومشكور، وجعله نرسيسيوس في ميزان حسناتك وما شابه.

هلأ بجوز معظم من أخاطب لا بيعجبه الإسلام كدين ولا بيهضم عقيدته فضلا عن شريعته، بس مو هون بحثنا.


بحثنا، انت تريدون نهضة الناس على أصل عالماني ديمقراطي؟ أم إخراج الناس من الإسلام أفواجا؟
إن كان الجواب الأول، فهل ما تصنعون أعلاه من شأنه جذب الناس لكم أم رفضها لكم؟

يعني أنا شخصيا ما بحب عمرو بن العاص ولا شايله من أرضه، بس ان بدي أهل مصر يثقوا بي لدرجة إجلاسي بمقعد القيادة، ما رح ينفع أقودهم وأنا أسب على عمرو ولا الخلافة، ببساطة لأن الناس مقتنعة أن هذا العهد الزاهر، وقعود العالمانيبن جنب غيرهم للطم على الأطلال لن يجعل الناس تسلمهم قيادة حارة.

الناس تمر بمشاكل حقيقية يومية، هلمّ فأروهم كيف يحلون هذه المشاكل عالمانيا بشكل منتج ومفيد، بدون ما تسبوا للناس ربها ودينها ورسولها وصحابته وخلافته، وشوف شلون الناس رح تتعلمن أكثر منكم.

يبكي على طلل الماضين من أسد ـ لا در درك قل لي من بنو أسد

بكل بساطة كلام العالمانيين أعلاه لا علاقة له بنهضة ولا مشروع نهضة، ولا حتى حل مشكلة بحارة، وطبيعي أن يواجهوا ردودا متشنجة من إسلاميين متشنجين. وخد يا صياح وما حدا عاد سمع حدا.

وهلأ بجيني واحد بقلي انت شو مشروعك، يا خي شو بدك بمشروعي طلبت منك تمشي فيه؟ اطرح مشروعك ونادي على بضاعتك ولو العالم عجبها رح تشتري وحاج تسب على يللي بدو يروح عند غيرك، ما رخ بعمره يجي عندك.

ومرة عمرة جربوا تعرفوا على بضاعة غيركم واطلعوا من الخمسينات والستينات، طروحات الإسلاميين زمان سبقتكم ووين صاروا ووين بعدكم... طبعا دليلي كلامكم يشير بما لا يقبل التأويل لدي قصر المعلومات عن موضوع النقاش.

ما علينا، مش مهم تعرفوا غيركم، لكن وضحوا للناس مشروعكم وانه لا يهدف إلى إخراجها من دين الله أفواجا، لأن أول نظرة سيفهم منها هذا منكم، ثم اسعوا لحل مشاكل الناس بدل مطاردة أبو جعفر المنصور وعمرو بن العاص