عزيزتي هالة؛
أنا أعرف أفكارك، ولم أتهمك بالستالينية، ولكن كلامي كان من باب عتب الأصدقاء، وحاولت تذكيرك بأن "اللي إيدو بالنار غير اللي إيدو بالمي" وكمان شوية ضغط وشحن لثوريتك الشيوعية الرافضة للظلم والطغيان.
كما أن استشهادي برياض الترك ليس فقط لأنه شيوعي متلك، بل لأني أعرفه شخصياً وأعرف مواقفه والتقيته مرات خلال الثورة، وأفكاره ليست بعيدة عن أفكاري بل أستقي قسماً مهماً منها منه.

وانشالله ما تزعلي مني إن قسوت لفظياً، لكن كما تقولين، نحن نكتوي بنار الظلم والقمع، وأهديكِ هذه الأغنية من إبداعات الثورة السورية

(لا تقولوا عني مندس أنا يللي بأهلو حس ... ولو أعطوني كنوز الأرض رح قللن حرية وبس
لا تقولوا طالعني الجوع .. من الظلم قلبي موجوع .. ولو مليتوا عيوني دموع .. رح إنده حرية وبس
صارلي على هالحال سنين .. مين اللي يسمعني مين؟ .. رح إدعي، وقولوا: آمين .. يجي يللي بأحوالي يحِس ...)