أحمد سعيد من تويتر ||
رجاء حار , بلاش ولوله على الشعب المخدوع اللى مخه فيه صرمه قديمه وواخد صف الجيش , مافيش حد مخدوع , الناس عارفه الحقيقه وبتشتغل روحها
الناس بتشتغل روحها وبتكدب على نفسها , لانهم لو صارحوا نفسهم بالحقيقه هيواجهوا ضغط نفسى بشع وخيار وحيد واوحد , وهما عايزين يريحوا نفسهم
هشبهلكم الموضوع بس بصورة مختلفه شويه
لما عربيتين ملاكى بيلبسوا فى بعض وفى احداهم بنت حلوة والتانيه راكبها راجل خنشور
الناس بتقف فى صف المزة الحلوة ضد الراجل الخنشور و مع انهم عارفين انها غلطانه وان الراجل هوة اللى على حق
عارفين بس بيشتغلوا نفسهم , لغرض داخلى
نفس القصه عندنا , الناس لو صارحت نفسها بأن المجلس ارتكب مذبحه ومخطىء , ضميرهم هيلزمهم بالرد , ولو مردوش هيتعرضوا لضغط نفسى وتانيب بشع
وهما لا عايزين يردوا ( عايزين يتفادوا المواجهه ) ولا عايزين تأنيب ضمير , علشان كدة بيقنعوا نفسهم بالسيناريو السهل اللى مش هليزمهم بحاجه
...............
فيه اللى خايف يشوف , وفيه اللى مش عايز يشوف , وفيه الاتنين
الحل يكمن فى ان الناس لازم تجبر انها تواجه الحقيقه غصب عنها ... ودة لازمله صدمه , صدمه جامدة .. والصدمه دى مش هتحصل الا بدم كتير
الجيش داخليا بيمر بأعمق ازمه فى تاريخه , والاقباط والكنيسه برضه بيمروا باعمق ازمه , والتيارات السياسيه شرحه , والمجتمع المصرى برضه كدة
الكل بيترج جامد من جواة وبعنف ,, حتى المؤسسات اللى صمدت على مر التاريخ كالصخرة
ودة كله يدل على شىء واحد , ان مصر مقبله على طوفان هائل , مالوش مثيل قبل كدة , العالم كله هيراقبه قريب فى دهشه وذهول وكل الموازين هتتقلب
ثورة مصر مقامتش , محصلتش , ثورة مصر لسه جايه فى السكه , وقربت قوى .. ممكن تسمعوا هديرها
كلامى عن الدم لا يعنى العشرات ... بل الآلاف
كل الموازين الراسخه والأسس اللى كانت بتحكم المجتمع المصرى , ومؤسسات عريقه زى الكنيسه والجيش , بدأت تهتز بشدة وتتداعى .
احنا داخلين على مدعكه بالمعنى الحرفى للكلمه
الجيش بيأهل الجنود والضباط لمواجهه المدنيين عن طريق غسل المخ والفلوس وانهم تقريبا مستعدين
التاهيل خلاص انتهى والجيش اصبح مستعد وبدا فعلا فى مواجهه المدنين السؤال هلى الشعب هيجيب ورا؟
لا اظن..