(10-24-2011, 03:26 PM)مسلم كتب:  تاجر المخدرات يا زميلي دائما ما يبرر عمله يا زميلي , لا يوجد تاجر مخدرات يقول عن نفسه أنه مجرم أو سيء , فهو يبيع المخدرات لأنه يريد خير ومصلحة الإنسان.

لك حتى هي مو زابطة معك .. أنت شو أصتك .؟!

تاجر المخدرات و العياذ بالله بيعرف تماماً مقدار الأذى اللي بسببوا للناس بتجارتو , طبعاً هو ما حيقول عن حالو ..بس بينتو و بين نفسو بيعرف الحقيقة اللي مالها علاقة بمصلحة الإنسان أو الخير و خلافو.. بعكس الحالة اللي عم تقارن فيها بالسياسة فكل واحد بفكر حالو (بالسر و العلن) هو الأذكى و الأفهم و الأصلح و الأنفع و الأنجح و الأجدى ....الخ .

(10-24-2011, 03:26 PM)مسلم كتب:  ومن ثم أنت ما بالك وحديثي في الاصل أنا كنت اتكلم عن الطائفية والتحزب والدفاع الأعمى عن الطائفة أو الحزب أو الجماعة التي ننتمي لها ونبرر كل شيء تحت مسميات الحق والحرية إلى آخر المخدرات التي يتم حشوها هنا وهناك , أنا لم افتح فمي بشيء عن الثورة التي تعبدها ولا يلي بايدو شوكة بتنخزو.

يعني اسمي ورد بالغلط و أنت موجه كلامك لحد غيري هون .!

طيب هي كلامك :

(10-23-2011, 08:50 PM)مسلم كتب:  نوار الربيع
خليك باختصاصك , وزع مخدرات على العالم أكتر من هيك ما بتحسن تساوي لأنو نحن العرب ما بنعرف شغلة غير كيف نخر ونتخدر ونضحك على بعض , قال أنو الانظمة فاسدة ولازم نتخلص منها لأنها انظمة عميلة للغرب ولكن لا بأس من مساعدة الغرب للتخلص من هذه الانظمة ؟؟؟؟
البلد منهوبة من قبل الانظمة ولكن لا بأس ايضا من اعطاء حصة استثمارية للغرب ؟؟؟؟
حشيش نظامي مئة بالمئة ارجو أن تكثر من توزيعه على اتباعك من الثورجيين الشرفاء .

بعدين بقلك ثم أنت ما بالك و حديثي في الأصل عن مدري شو ..!!

ياجماعة انا حاسس حالي بقعدة حشيش بجد , واحد بجبلنا معلومات عن شنق و قتل آلاف و لما بتسألو عن الدليل أو المصدر بيعطي مصادر مالها علاقة بالأرقام اللي ذكرها .!

و التاني بيكتبلي شو لازم ساوي و بس رد عليه بقلك مابالك أنت و حديثي ماكان عليك بس المسلة فيك .!!

طيب شو الصنف اللي بتتعاطوه خلينا نعرفو بركي منقدر نتفاهم عرواق ,مع انو اختصاصي حبوب هلوسة