رفيق؛
سؤال صادق. أنا أولاً معك بضرورة إبرام عقد اجتماعي جديد. ولكن من سيقود هذه العملية المعقدة؟ فالنظام الحالي مرفوض تماماً من قبل أغلبية، أو قل شريحة كبيرة من المجتمع.
ما هو منظورك للحل الجيد الذي اقترحته، أي ما هي الآليات لتطبيقه. بصرف النظر عن بندر والمؤامرة الكونية.
يعني مشان الله حدا ينورنا لطريق ثالث، خارج بشار الأسد وهالمعارضة المتآمرة. وسنذهب معه لنجنب البلاد هالمؤامرات، ولكن بعيداً عن سلطة الأمن الذي قرفنا بلدنا بسببه بصراحة.
وأنا صادق الآن وما عمبتمسخر، بس خلينا نكون واقعيين ونترك لغة التخوين ولغة المؤامرات، لأنه تعبنا منها.
بدنا صيغة صحيحة للحوار والخروج من النظام الأمني ونظام العائلة الأسدية، وحتى العراعرة وبقية القوم، لحوار حقيقي ولحل حقيقي. إذا عندك حل غير الحرب الأهلية اللي شايفها قدامي الأفق الوحيد حالياً، فأنجدنا بها.
وبجد لا تشوف هالحرب الأهلية مؤامرة، هي شي جوات هالبلد وعمبينفجر، وما رح يترك حدا من شرو، كلنا رح نكتوي بنارو.

فكل العقلاء مطالبين بالعمل لتفاديه، لا بالتشبيح، ولا بالتخوين .. لكن بالعقلانية، وبالفكر، وبالوصول لعقد اجتماعي ضمن آلية واضحة.
فهل لديك آلية لتفادي الصدام الأهلي؟

تحياتي