(11-03-2011, 06:12 PM)الحكيم الرائى كتب:  ............
-المجلس بيورط الكل فى الخرا عشان يمسك على الكل ذلة ومحدش يقدر يبكبك معاه ,بمعنى أن المجلس يدرك أن التيار الاسلامى بالذات يسعى فيما بعد للسيطرةعلى المؤسسةالعسكرية,والعسكر يريدون أن يبقوا القوة المسيطرة على الجميع,فيعمل ايه,نفس اللعبة التى تمارسها الانظمة المصرية منذ سيدنا صفيحة طبق الله وجهه ,أترك لهم الحبل على الأخر ,خليهم يقعوا فى الغلط مثل :تلقى أمولا من دولا أجنبية ,أجتماعات مع مسؤلين فى أجهزة مخابرات ,طبعا كله بيتسجل صوت وصورة ويتمسك ذلة عليهم فيما بعد,يعنى من أخره شغل خبث فلاحين وبكده الكل يبقى مكسور العين أمام الجنرالات ,واللى يحاول يقول بم يكفى خبر ما فى صحيفة ما وبعدين واحد يطالب بتحقيق من النائب العام وبعدين تطلع المخابرات ببيان وكان الله يحب المحسنين
-الأحتمال الثانى أن المجلس موش فارقة معاه فى حاجة وان شاء الله البلد تولع باللى فيها وهو أحتمال ضعيف لأن البلد لو ولعت الجيش هيولع معاها..
يبقى المحصلة المجلس سايب الكل يقع فى شر أعماله عشان ينيك عرض الكل بعين مليانة ومحدش يقدر يقول تلت التلاتة كام
جفت الأقلام ورفعت الصحف..
تشرب شاى ولا كازوزة
نهارك فل.

ايه حكايتك يا حكيم .
تشهد سماء مدينة نصر ان هذا اللي قلته بالحرف اليوم عندما زارني بعض الأقارب و فتحنا بالصدفة موضوع التمويل و الفلوس السايبة ، كانت الأسرة الزائرة إسلامية و لكنها تحولت على ايد اخوك إلى ليبرالية متدينة شوية بس قلب ع الاخر سياسيا ، أخذ الصديق و قريبتي زوجته يتحدثون عن تحول السلفيين إلى أغنياء بعد أحداث يناير و ضربت أمثلة عديدة بثروة البعض ، ولا حد عارف جابوا الفلوس منين .. المهم أن الموضوع بتاع 6 ابريل انفتح ، بمناسبة حديث طلعت السادات في التلفزيون ،و اللي اتهم فيه الجماعة بتوع 6 إبريل . و كانت وجهة نظري تماما زي اللي قلته انت .
عمرنا ما هنعرف ايه اللي بيحصل ، المعلومات اللي بتتعرف هيستغلوها في عقد صفقات و لم الدور ، اللي جاب الجاسوس الإسرائيلي من وسط الميدان مش هيعرف يتعامل مع هواة عبط شافوا الفلوس اتهبلوا . محدش و النبي شريف قوي ، منين واحد قاعد 10 اشهر في الشارع بدون عمل و عامل ناشط و قائد و ثورجي ؟!. اللي عارفهم له وظيفة او عمل في بداية المظاهرات قاعدين في البيت واحد منهم مرحش الميدان من 11 فبراير حتى اليوم . و لما سالته قال لي " الميدان معدش بتاعنا " ، هل اسرائيل بالعقل و المنطق البسيط ساكتة و عندها مهاجرين من عملاء ( أصدقاء ) اللوبي اليهودي في الكونجرس عشان محدش يزعل مالين البلد رايحين جايين . وواحد منهم عامل حزب مصري !. يعني عيب قوي الناس تفتكر انها بتضحك على حد .. اللعب اصبح ع المكشوف من زمان قوي . وعلى رأي العم طرفة بن العبد في معلقته ،و التي دائما يقتبسها صديقنا العلماني .
ستنبئك الأيام ما كنت تجهل---ويأتيك بالأخبار ما لم تزودي.
رغم اني أعتقد ان الأيام لن تنبئنا الفلوس راحت فين ولا من فين ..
الكل ماشاء الله برمجية وفلاتية و لكنهم معرفوش يعموا دولة أبدا .