- المرأة التي تظن أنها تربط الرجل بكثرة الانجاب عمليا بتطفشه و مش بتربطه. لأن حضرتها بتفضل مبلوشة في اللي بتنجبهم و بتعمل البيت روضة أطفال و الرجل بيصير يخرج كتير لوحده لأن ذلك أسهل من انه ياخذ فريق ريال مدريد و زاغالو معاه. و ممكن يتعرف و يبني علاقة يروق دماغه معاها. أو ممكن يعتكف الى جهاز الكمبيوتر 24/7 أو اي اسلوب آخر. يعني بيصيروا عشان يقعدوا مع بعض قعدة رومانسية يجددوا حبهم و علاقتهم فيها بيحتاجوا لجنة تنسيق و ترتيبات! و الست التي تفكر بهذه الطريقة تلاقيها تعتقد انه ما دام هي على ذمته و الجدران بتجمعهما يبقى خلاص .. ايه من الأماني ناقصها تاني و انا في البيت!

- أما اللي بتشطف جيوب جوزها فهذه مسألة الحق مش عالست فيها. لأنه الغلط ينتج عنه غلط. لما الست تلاقي نفسها في مهب الريح و القانون بيسمح للرجل يتجوز عليها مثني و ثلاث و يفضل يبدل. فلا بد انها تتقي هكذا مصيبة بنفسها. و كلنا يحاول اتقاء الكوارث حتى أمريكا بضرباتها الاستباقية.

- الطلاق موجود صح و لكن وجود ريال مدريد أو مانشستر يونايتد بيخلي الاقدام عليه عملية صعبة.

-اختيار الزوج المناسب
هههههههههههههههه لو المسألة سهلة مكنش حد غلب يا علي. لأنه الناس مع الايام بتعرف بعض أكثر و بتكتشف مساحة من الشخصية أكبر مكانتش تعرفها و لا بتعجبها. كما اننا نتغير مع الوقت و طلباتنا و توقعاتنا و حاجاتنا و ذوقنا و كله بيتغير. و بيبدأ التباعد و انطلاق نغمات مثل: انا كنت غبية لما بصيت في خلقة واحد زيك. ليرد عليها ريكي مارتن: كان يوم أغبر يوم ما اتجوزتك. و هات يا هجوم و هجوم مضاد. و أحيانا تصل الأمور للاستعانة بالناتو هههههه. فيه حكمة لجون كولينز -ممثلة امبريالية- بتقول ان الست ما بتعرفش ان دا هو الراجل الغلط الا بعد ما تتجوزه!