مسألة العقوبات العربية علي سوريا دي مش داخلة دماغي!

ذكرتني هذه العقوبات بقرار فرنسا عقوبات نفطية علي إيران..فردت إيران بأنها لا تصدر النفط لفرنسا أصلا!!......يعني المسألة شو إعلامي مقصود بيه حرب نفسية..دا أكبر احتمال....

بيدعم هذه النظرية إن العرب فشلوا عبر عقود في إنشاء سوق عربية مشتركة، يعني بالبلدي كده العرب مش هايتجمعوا علي قرار اقتصادي أبدا..

ناهيك إن العراق ولبنان اللي هما جيران سوريا رفضوا القرار وأعلنوا عدم التزامهم به، وهذا يعني أن سوريا في الواقع ليست محاصرة بل مفتوحة الحدود مع جميع جيرانها..

حتي تركيا مش هاتقدر تقفل الحدود خوفا من العلويين اللي ساكنين في نفس المنطقة..ناهيك عن خوفهم استغلال بشار لورقة حزب العمال لو عمل ليهم منطقة عازلة يحاربوا منها الجيش التركي، والكلام دا لمح ليه وليد المعلم قبل كده في المؤتمر الصحفي..

أنا شايف أيضا إن سوريا دوليا وعلي الورق متحاصرة من أيام حافظ الأسد، يعني أي عقوبات دلوقتي علي الشعب السوري من أي طرف ستزيد من شعبية بشار ونظام البعث وليس العكس..وأكبر دليل علي دا إن النظام السوري سوق لقضية الحصار الدولي ضده من زمان واستطاع إنه يكسب شعبية كبيرة وإنه حامي حمي الديار ضد الإستعمار والرأسمالية..!

كمان أنا شايف إن هذه الدعاية البعثية ليست إلا استغلالا لأخطاء الغير، علي سبيل المثال قضية سوريا لو تم معالجتها بحكمة وبتروي من أول يوم ما كُناش شوفنا حد بيتدخل في سوريا لا عربي ولا أجنبي..

الحل الوحيد إنه اللي عايز يحل يبقي لازم يسمع من الطرفين مش من طرف واحد زي ما بيحصل دلوقتي..وهذا معناه إن دول الخليج أصبحت بتلعب علي المكشوف مش زي زمان