فودكا , أبو أنس - قيادة سلفية مرشحة فى الأنتخابات ؟ هل هو حتى من قيادات أى حزب أسلامى مطروح على الساحة ! هل قال فى الفيديو المزعوم أنه تلقى تعليمات او حتى انت عندك دلائل وقرائن انه تحرك وحرك الناس اللى معاه بناء على تعليمات وتحريض من رؤساء أحزاب او مرشحيين أحزاب اسلامية - مرشحة للبرلمان ؟ ( ولا أحنا هنتكلم على أوطان دليل الأدانة فيها أنك بدقن او ملتحى ؟ )

يعنى انا لو قاضى , ههحكم بأيه فى القضية ؟ بما انه سالف الذكر ملتحى , يبقى أكيد اخوان او سلفى او تيار وسط اسلامى او تكفيرى او جاهدى ... !!

أنت قولى الدليل بيقول ايه !

* لا تنسى يا عزيزى فيديو نيافة الأنبا اللى كان بيتوعد بأحتلال ماسبيرو .... ( فهل أدينه المسيحين بتهمة التحريض على الجيش ونصرح بالقبض وعزل المسيحين سياسياً )


أوبزرفر , أنا فهمى للديمقراطية مبتور ؟ الم تكن الولايات المتحدة دولة ديمقراطية عندما كانت تحرم السواد من حقهم الأدمى ؟ ألا يزال حتى الأن حقوق المثليين الجنسيين مبتورة وبما فيهم الملاحدة والكفرة ؟ هل مازال اليوم ولحد الأن يتعرض أوباما لحملة من المشوهيين له بتهمة انه " مسلم متخفى " ؟ هل النهاردة يستطيع الحزب الجمهورى او الديمقراطى ترشيح رئيس أمريكى يتدين بالأسلام ؟ طيب يقدروا يرشحوا حد فى أمريكا بدين غير المسيحية ( اليهودية مثلا ! )

أنا بقولك وأنت أختار , عايز ديمقراطية يبقى الأحتكام لصناديق الأنتخاب وتحارب عشان تحافظ على أقل الحقوق اللى تكفلك أنك تقدر تتوسع فى المستقبل. عايز تلعب ده أنا عايزه وده مش عايزه , يبقى المفروض كان لازم تنزل ميدان العباسية وتساند مبارك وتؤيد قيام ديكتاتورية فى مصر ... شغل سطر وتسيب سطر ده , مش هيمشى فى أى بلد !

---

وشوف أصوات المسيحين المصريين عملت ايه .... 4 % للكتلة المصرية ! والوفد يعنى نسبة قريبة من الرقم. وهو تقريبا التمثيل الطبيعى للمسيحين مصر " 10% من السكان " ! عشان بس تعرف أن اللعبة الطائفية وانا مسيحى وانت مسلم مش هتوصلكم لحاجة وطريق مسدود. ولو كانت المسيحية فى السابق وجماعة الأخوان تستند على مؤسسة الرئاسة فى شوية كراسى بتتوزع على المسيحين - فالصراع الأن انتقل للشارع. وبدون خطاب وطنى لن تصلوا الى مكان - غير شغل النحيب والعياط والمسيحين 30 % و 50 % والأنكى خطابكم العزلى لتيار يسيطر الأن بمجموعة على اكثر من 80 % من أوراق اللعبة ...