هلأ ما فهمنا، اش هيي قصة الأكثرية يللي بدو اياها رحمة، وشلون بتزبط مع المذهب الاثني عشري يللي رحمة ماسك فيه؟

خلينا نشوف، أكثرية الصحابة بايعت أبو بكر على ما وصلنا، ومن بقي مع علي عليه السلام أقلية
أهل الشورى اتفقوا على بيعة عثمان، وخالف علي فبقي أقلية
أكثرية أهل الكوفة خرجوا في جند يزيد، وبقي الحسين أقلية في أهل بيته.

هلأ بقلي إمام معصوم مكلف من رسول الله، يا خيو الإمام الثقل الأصغر، في عندك الثقل الأكبر واقف ضد آل الأسد، أعني كتاب الله.. بتعرف هالحكي إما لأ؟

يعني الوصية ما كانت بآل محمد، بل بكتاب الله وآل محمد، بدك نشوف كم آية كريمة في كتاب الله تجعل آل الأسد مجرمين يستحقون العقوبة؟

يا رحمة، الأكثرية مو بالعدد، الأكثرية بالحق، واحد مع الحق هو أكثرية، ومليون مع الباطل أقلية.

والحق أن آل الأسد ظلومين غشومين، هاي مثبتة عندك اما بدها إعراب؟ هل عندك شك في ظلم الأسد الأب وولده ومن لف لفهما، إما نشرحلك إياها؟
والحق أن آل الأسد قد سعوا ليكونوا جبارين في الأرض، معبودين من دون الله، متسلطين على العباد بغير حق، هاي بدك نعربها إما واضحة لديك وضوح جريمة قتل عبدالله الرضيع يللي ما شفتها وحكولك عنها أهل بيتي يللي انت عم تناصرهم بزعمك؟

صعي، إضافة، حبيت أعرف من هو الناصبي عندك يا رحمة، لأن يا شباب يللي ما بيعرف شو قيمة معرفة الناصبي، الناصبي عند البعض من الناس المنسوبين لهالأمة المنكوبة، مهدور الدم والمال.

هل الناصبي هو الغير اثني عشري؟
يعني الزيدي الذي لا يرى عصمة لغير أصحاب الكساء بصير ناصبي مثلا؟ والذي لا يرى تعين إمام بعد الحسنين مثلا؟
الاسماعيلي، مثل أهل السلمية الكرام، الذي يرى الإمام بعد جعفر هو ابنه اسماعيل، وأن موسى الكاظم ليس إماما بحال، وبدناش نقول مدع للإمامة، هل هو ناصبي؟
اللي متل حكايتي، بضرب مثل لتقريب المعنى للذهن بالإمام الحسين، هل هو ناصبي لذلك؟ طيب قياسا حنبليا شو بكون يللي بتناول ربّ العزة بقلة أدب من اللفظ، لمن يقل حل عن الله تبعي، أو بشار قبل الله بنعبده، أو يللي خلقك بحشره بالزاوية، هاد بكون كافر إما مسلم؟
أم أن للإمام الحسين عليه السلام من الحرمة فوق ما لله الذي خلقه واصطفى جده نبيا رسولا؟

عجيب أمر الكيل بمكيالين يا رحمة، المشكلة إنكم زعلانين من أمريكا شنها بتكيل بمكيالين في الأمور المتعلقة بإسرائيل، كما قال الأول: لا تنه عن خلق وتأت بمثله ــ عار عليك إذا فعلت عظيم.

لا تخاف يا رحمة، ما عدت أقلك اتق الله واليوم الآخر، لأن عندي شعور إنه الكلام هاد ما اله معنى، بالضبط مثل يللي غلط وقال لعبدالملك بن مروان اتق الله عز وجل، فقال من عاد لمثلها قتلته.

الحمدلله يا رحمة إنه ما بإيدك سلطة، كنا وين رحنا جماعة السنة الكلاب النواصب، كان نزل الفرم على أبو جنبو...

ما جاوبتني، وين كنت بأحداث الثمانينات أثناء حصار المخيمات، مع الإستيز نبيه بري إما لأ؟