هسه طلع معك يا رفيق كامل إني وهابي أؤيد دول البترو دولار؟

عزيزي رفيق، أول باشتان، دول البترودولار ما عملتش مجزرة حماة

ثاني باشتان، عفونة أنظمة حكم دول البترو دولار لا تعطي مبررا للتسلط على الحكم في بغداد ودمشق، وسلخ المعارضين وعوائلهم أحياء وأمواتا

ثالث باشتان، موضوع التعيير هاد، شية البعثيين، وخرّاف جدي ببطح جدك، وحاووز المي في ضيعتنا أكبر من حاووز المي في ضيعتكم، كل هاد ما بحل مشكل.

المشكل في سوريا سببه هو التسلط على الحكم، صعي في مشكل في السعودية متلو، بس لمن تصير ثورة بالسعودية عيب على شواربي إن ما بكون معها، وليكني متل ما مؤيد ثورة سوريا كمان مؤيد ثورة البحرين.. بس يا عزيزي إنت عم تدور عن بوصلتي، ما عم تدور عن حل مشكلة سوريا.

أنا مني وعلي عندي حل مرتب لمشكلة سوريا، أول خطوة منه إسقاط النظام، لأن النظام هاد ذات نفسه أهم عقبة في طريق أي حل.

أسقط النظام وأنا مستعد أبعتلك الحل على العام.