انت مسكين بالمرة ان بتفكر هيك يا رفيق، اما شبيح بالمرة...

سوريا دولة لأهلها، العسكر موظفين فيها عند أهلها.. قام نط كمن واحد أزعر من هالعسكر مثل صلاح بن جديد وحافظ أسد كانو عم يقلدو زعران قبلهم مثل حسني الزعيم وأمين الحافظ

حاصله، تقاتلت أوبة هالزعران وسرقوا حق السوريين في استئجار من يريدون ليحكمهم، ان شاء الله بدهم قرد طيزو حمرا يحكمهم، بدهم اخوان مسلمين، بدهم صدام حسين، بدهم عصملي فرنساوي، بدهم سعادين... هاد حق طبيعي للسوريين، والعسكر ليس لهم في ذلك أي شأن إلا السمع والطاعة للسوريين.

هلأ موضوع حادثة المدفعية، وقصة الأزبكية، وما شابه من هالأفلام يللي هيي، هاي أفلام اصطنعها النظام العسكرتاري لإبادة آخر المعارضين له، وتشريد من خلفهم.. لا يمكن تبريرها بأي أسلوب زعرنة.

يعني نفرض جدلا أن الإخوان المسلمين أو طلائع البعث عملو تفجير بشي مدرسة مدفعية، اش دخل حماة لنبيد أهلها، ثم نشرد زهرة شباب حلب في مشارق الأرض ومغاربها.

هاد منطق عصاباتي، وليس منطق دولة يا عزيزي، معذور حافظ أسد حين يفكر هكذا لأنه رئيس عصابة، بس انت شلون بتفكر هيك؟

طبعا معذور ان بفكر هيك، بس مو معذور انو عمل هيك.

نيجي لقصة بنيموا فيها الأطفال، اسمها انو بشار اجا ليطوي صفحة الماضي، وما بلاش نتكلم في الماضي الماضي ده كان كله جراح..

أول باشتان، بشار جلوسه على الكرسي من أصله غلط، لأن الجمهورية لا تورث إلا في النظم الصعلوكية
ثاني باشتان، في كم واحد مساكين، هيك طيبين وعلى نياتهم، صدقوا القصة هاي، وراحوا من قلة عقلهم عملوا صالونات سياسة وربيع دمشق وحشيش ما حشيش، راحوا المساكين بشربة مي، بعدهم أهاليهم عم يدوروا عليهم بالشمعة والفتيلة.. يا حسرة عليهم ويا حوينة شبابهم.
ثالث باشتان، فاقد الشيء لا يعطيه، يعني ما فيك تعطي فار مفتاح الكرار وتأمنه على القمح فيه.. بشار لم يثبت في السنين الماضية إلا أنه باع البلد بالجملة والمفرق شي لابن خالتو، شي لابن عمتو، شي لعمة أمو، شي لخالة أبوه، شي لجوز حماتو، شي لحماة مرتو، شي لضراب السخن.. يعني يا طالب الدبس من طيز النمس، كافاك الله شر العسل.

في ظل ما تقدم عزيزي رفيق، وبغض النظر عن وهابيتي الشيعية المقنعة بروح التقية، ولو فرضنا أن الداعي خالد دام ظله الوارف، لو فرضناه يعبد القرود على مذهب ابن خالويه البلغموطي، فهذا لا يعني أبدا أن النظام ينبغي أن يبقى دقيقة واحدة يمارس فيها ساديته وإجرامه منقطع النظير وكذبه الوقح على الناس.

لك برحمة ضميرو لماهر الأسد، إنت مصدق القصة شية انفجار الميدان يوم الجمعة؟ يعني شفت أكياس الخضرة عم تنحط جنب الدم لتزبط الديكور إما لأ؟

لك عن جد يعني، هيك نظام لا قادر يحكم دكتاتور ولا ديمقراط، على شو ماسكين فيه؟ عن جد حتى الكذب ما عرفان يكذبه؟ لو أني أقلل ديني وعقلي وأشتغل معه بيطلع معي خطط أزبط من هيك.

طبعا القصة شية العصابات المسلحة صحيحة، وقائدها ماهر الأسد حصرا، والأب الروحي لها أنيسة مخلوف التي لم تخجل من عمرها وقالت لابنها افعل كما فعل أباك، ليتها قالت له افعل كما فعل الصالحون واترك الأمر لغيرك واذهب إلى مكان لا تكون فيه مجرما.