(01-12-2012, 12:13 PM)رحمة العاملي كتب:  يا سندي كبر عقلك انت اعقل من هيك
هلق بشرفك مطلب مين اسقاط النظام السوري؟
افرز اميركا وعربها عن الثورة السورية ماذا يبقى ؟

يبقى "الشعب السوري" نفسه يا "رحمة" ... "الشعب السوري" هو الذي اشعلها ثورة عارمة على هذا النظام المجرم وهو من يدفع الثمن. كيف تستطيع يا رجل أن ترى جميع الأدوات الصغيرة والاسماء المعروفة وغير المعروفة ولا تستطيع أن تلاحظ "الشعب" الذي يدفع بملايينه إلى الموت في جميع أنحاء سوريا؟ هل هي قصة الاختباء خلف شجرة وعدم رؤية الغابة؟ أو بتعرف، رح جاوبك "زجل لبناني" (طالع عابالي أنظم بيتين هلق):

دخلك يا "رحمه" عيف هالفكره
ولا تنخدع بأمور كذّابِه

وتلطى لوحدك خلف شي شجره
وتحلف يمين وتنكر الغابه

--------

القصّه بْسوريّا مش "حمد" يا عيون
ولا فلان أو علّان وولادو

القصّه كرامة جارتو "لقاسيون"
وقصة شعب ثاير عا جلّادو

----------

صرلو "الأسد" دهر وعمر وسنين
يضحك عاشعبُه وشعبَك وشعبي

واليوم فاق الشعب هالمسكين
وقلله: انتهينا، خلصت اللعبِه

---------
صلّي معي تا ينقلع "بشار"
وتنزاح عن "حمص" و"حماه" الغمّه

وترجع سوريا موطن الأحرار
ونرجع ننادي "الشام": "يا أمي"


------------

واسلم لي
العلماني