(01-26-2012, 06:28 PM)مسلم كتب:  الثورة هي لقلب النظام وليست من أجل نيل الحرية فالحرية ليست لنا لأننا دول ضعيفة وفاسدة وتابعة للأقوى , ولو كانت هذه الثورة من أجل الحرية حقا لرأيتني من المؤيدين والمدافعين عنها , بعد قلب النظام يتبقى علينا قلب انظمة اعدائنا أي كما يقولون :
مطرح ما خري شنقوه.

لك ما بكفي نخلص من الذل اللي عايشين فيه .. على هاد مدعوم.. و هاد قرايبو لواء بالسياسية.. و هاد بقاقي من الضيعة و بقلك اعريف حالك مع عم تحكي ولا ..و هاد جاب واحد مرافق لآصف شوكت مسح بالموجودين الأرض ....كل هالذل اللي عايشينو للأمريكي شي؟ و لا للخليجي ؟و لا للمواطن السوري بالدرجة الأولى و الأخيرة .؟

بحرب لبنان لحالها رحلنا أكتر من 15000 جندي .. مين كان يسترجي يقلوا لحافظ شو عم تعمل .؟ لحد الآن بكل هالثورة ماراح نص هالعدد .. هيك هيك في ثمن و إذا انت مو مستعد تدفعوا أنت حر .. عالأقل لا تكبروا على غيرك و توقف بطريقن .

بكل ثورة أو مظاهرة بكون في شريحة مترددة .. يعني في ناس بتخاف و هالشي مو غلط و لا عيب بالعكس شي طبيعي كتير الإنسان يحس بالخوف .. في ناس فدائيين ضحوا بنفسهم مقابل هالشي . الأكيد مو كل المعارضين فدائيين و لا مستعدين يضحوا بهالشي . بس هالشي ما بيعني انو الواحد ياخد موقف حيادي من اللي عم يصير .

بعدين مشان الحرية .. قلنالك روح اقرأ بتاريخ سوريا قبل البعث و شوف كيف كانت حقوق الناس مصانة و محترمة و حريتها محفوظة شوف كم جريدة كانت و كيف كانوا يكتبوا بكل حرية ضد الرئيس و رئيس الوزارة و الحكومة و نواب البرلمان . و مع هيك كانت سوريا وقتها ضعيفة و فاسدة و تابعة للأقوى منها . و علاقتنا كانت جيدة بأمريكا و بالغرب إجمالاً .