وين هددتك يا فرات ؟ انا عم احكي مع نوار يلي صرع ربي بحجة اختفاء الاشخاص .
بعدين شو هي انت مع ولا ضد ولا ساكت , شو الشغلة دين يعني ولا عقيدة الها قواعد , أنا موقفي واضح وإذا عندك مشكلة بالقراءة والفهم والاستيعاب فهذا مو من شأني أنا موقفي واضح وصريح انا مع الشعب , كم مرة بدي قولها يعني ولا انتو ما بتقرؤوا الحكي المكتوب .
انا مالي مع الثورة , مالي مع النظام , مالي ساكت , مالي بياع فول , مالي بعد استاتيكي ولا اسقط سقوط شاقولي ولا اخبز الخبز بالماءورد ولا باقي الانشاء الضعيف .
انا مع الشعب , فهمت فهمت , ما فهمت مو مشكلتي عجبك عجبك , ما عجبك انت حر .
يعني بدنا نبوس ايديكن مشان ننال رضاكن .
وعلى فكرة أنتو هون عم تمثلوا الثورة أو لنسميها المعارضة وحكيكن زفر واتهاميين واقصائيين لابعد الحدود , يعني إذا كان واحد عايش بالضيعة وعم يصدقكن فشلون وانا عندي الرب جوجل , شلون بدي كون معكن وانتو عندكن نفس عقلية النظام بالاقصاء والسب والشتم وحتى بالقتل .
شو هو الفرق لما بنتقل من تأييد نظام قاتل لتأيد ثوار يؤيدون القتل تحت حجة الدفاع عن النفس , شو يعني لما الجيش اليهودي مسمي حالو جيش الدفاع فهدا يعني أنو مالو جيش مجرم .
انا مالي معكن لأنكن تدعون للقتل مثل النظام وتكذبون مثل النظام وتابعون للغرب مثل النظام وفاسدون مثل النظام .
أنا مع الشعب وبس , وانت هلأ بتلف وبتدور وبتقلي أنو الشعب هو الثورة مشان تتهمني أني عم اتهم الشعب بأنه قاتل وخائن , ومشان اقطع عليك الطريق فبقلك أنو الثورة يمثلها اصحابها الحقيقيون الذين لا يقتلون ولا يكذبون ولا يقصون احدا لأنو لما اي شخص بيقتل أو بيقصي أو بيكذب فهو بكون بمثل الوجه الآخر للنظام وبرجع وبقول:
مطرح ما خري شنقوه.

---

الظروف اختلف يا نوار وهلأ غير اولي :
هلأ الثورة هي مشان تغيير الظروف مو مشان الحرية لأنو الواحد إذا بدو يحكي الصراحة الحرية بعيدة عنا شي ميتين سنة , أنا شو عم ساوي غير أني عم سمي الاشياء بمسمياتها .
خليها تتغير الظروف وانا معكن وبدي اخلص متلي متلكن بس ما بروج لحكي دعائي عن الحرية ومنكذب على حالنا , انو حرية هي ولا بالأحلام منشوفها ما دام عقلياتنا بتشبه عقليات ستي وجدي.