(01-30-2012, 04:26 PM)عاشق الكلمه كتب:  

(01-30-2012, 04:02 PM)الحكيم الرائى كتب:  

(01-30-2012, 03:39 PM)عاشق الكلمه كتب:  أنا مش فاهم ليه بتتدخلوا فى اللى متفهموش فيه؟ هو كلام وخلاص ؟

أنت اللى حاشر نفسك فى كل حاجة وعامل فيها أبو العريف .

لأ ,,, مش حاشر نفسى فى كل حاجة ,,,

لكن الجيش بالذات أنا أكتر واحد هنا ممكن يتكلم عنه , لأن والدى كان موظف فى شركة أبوزعبل للكيمياويات المتخصصة " مصنع 18 الحربى سابقا " وأتربيت فى المدينة السكنية التابعة له , وأتدربت داخل المصنع تدريب صيفى أثناء الدراسة , ولما تزوجت كانت زوجتى أبنة زميل والدى , وهو كيميائى رئيس قسم الـ TNT فى المصنع , وهو الوحيد بالشرق الأوسط الذى يملك خط أنتاج لمادة ال TNT ورغم أن المصنع بينتج " سمن الطيبانى " و " أثير التخدير " الذى يستخدم فى العلمليات الجراحية , الا أنه يقوم بأنتاج البارود والديناميت ودانات المدافع والهاونات بأعيرتها المختلفة ورؤس الصواريخ , وبه أكبر مركز متخصص فى عمليات التفجير بالشرق الاوسط .

كما أن أقربائى هم قيادات فى الصفوف الأولى بالجيش , أحد أقربائى كان قائد الجيش التانى وأحد أعضاء المجلس الأعلى للقوات المسلحة وقد قام مبارك بتعيينه محافظا ثانى أيام الثورة , وقريب أخر هو رئيس أركان حرب الجيش الثالث الحالى والترقية القادمة هى قيادة الجيش والأنضمام للمجلس , كما أن زوج شقيقتى عميد ولى العديد من الأصدقاء والأقرباء أيضا ضباط من أول رتبة مقدم الى رتبة عميد , حتى أسامة الشاذلى الناشط بحركة 6 أبريل واللى أستقال من الجيش برتبة رائد وبيهاجمه دلوقتى , كان صاحبى وأحنا عيال وكنا بنلعب فى الشارع " شارع العزيز بالله " فى الزيتون أمام عم عربى البقال على ناصية الشارع .

http://www.youtube.com/watch?v=J734BB1A1JE

الكلام ده مش للتباهى ولا التفاخر , لكن بنقولكم أحنا أدرى بالبلد واللى فيها , أحنا اللى معندناش جوازات سفر تانية لا روسى ولا أمريكانى نقدر نهرب بيها فى حالة خراب البلد ونعيش برة , أحنا ملناش غير بلدنا دى وبنعشق ترابها , فبنرجوكم حلوا عن سماها .

فكرتنى بشويكار وفؤاد المهندس: أنا جدى قائد طابية وأنتى جدك قائد طابية؟
هذا لايجعلك على علم بشئ ولكن يجعلك صاحب مصلحة مباشرة وربما أكثر ,هناك ضباط من الجيش تخلصوا من مصالحهم الأنية والمستقبلة ,ارتضوا لأنفسهم مذلة السجون من أجل وطن حر ومستقبل افضل للجميع,البنت التى تم الاعتداء عليها وهى تحاول أنقاذ الفتاة التى جردها العسكر من ثيابها أبوها على ما أذكر لواء بالجيش وقال فى تصرفات العسكر ماقاله مالك فى الخمر وعلى الهواء مباشر دون التفكير فى عواقب ذلك على مستقبله ولا حياته القادمة ولا أولاده,ولم يمنعه موقعه الحالى من قول كلمة صدق فى وجه حاكم ظالم,أما أنت فطبيعتك كدة ,كما يقول المثل اللى يتجوز أقوله ياعمى, مع مبارك ماشى مع الملجلس ماشى مع الأخوان ماشى ولو أحتل الأنجليز مصر مرة أخره برضه ماشى ,هذه حياة بلا لون ولاطعم ولارائحة ,مجرد وجود بيولوجى بلا أبسط مامن الله به على البشر ,وميزه عن الحيوان,القدرة على التخيل والحلم,الحلم بحياة حرة كريمة ومجتمع بلاقمع ولافقر ,استمر فى وجودك البيولوجى ,ولاتستنكر على غيرك الرغبة فى حياة أفضل وأكرم مهما كانت التضحيات.