(01-31-2012, 03:05 AM)مسلم كتب:  على فكرة توقعت انو تجتمع علي العصابة , ههههههههه يعطيكن العافية .
ستوكهولم تضربك انت وياه , بس عنجد وانا عم اقرأ ردودكن فرطت من الضحك , حاسس حالي بمحاكمة .
على كل حال مشان انت وياه وياه ما تاخدكن الخيالات انا من جماعة الفوضوية ما بآمن بأي سلطة أو حكم كان وكل إنسان حاكم على نفسوا وسلطتو على نفسوا, مو متل ما تصورتوا يا جماعة المنغولية .
طلعت كل تحليلاتكن فالصو يا حيف على الكيبوردات يلي انضربت مشاني.
لك دخيل العصابات انا .

---

وعجبتني هي شغلة أنو الثورة مشان العباد ومشاني خص نص بما أني واحد من العباد , بس لألكن شغلة للجماعة تبع المحاكمة , النظام ما فضل علي بشي بالعكس ضرني واثر على مجريات حياتي , ولما على اساس انو بزماناتو انعرضت علي وظيفة بالدولة رفضتها لأنو كانت رح تكون من خلال واسطة ورشوة وقلت في نفسي يا زلمة لا تمشي بالتيار وخليك بشغلك الخاص احسنلك من شغلة رح تجيك بطريقة فاسدة , وقلت يالله خلينا ننتظر بلكي الدولة بتفعل وظائف المعاقين من دون رشوة بس عبث , لأنو مو حدا سائل والكل بدو ياكل , قلت طيب خليك بالكومبيوترات لحتى يفرجها الله , ولما كان بدو يطلعلي براكة بس بشرط كون مخابرات للدولة قلتلهن دي حلو عنا بريحة طيبة مو ناقصنا غير نغنى على حساب مصير العالم .
يعني كل هل الشغلات رفضتها لأنها فيها نوع من انواع الاستغلال والفساد بدكن ياني استفيد من ثورتكن , يعني تخيل قال بكرا تتحسن الظروف وقال يهتموا فينا نحن المعاقين شوي بقوم قال بستغل الشغلة وبحسن وضعي واغنى على حساب كم الف إنسان وكم مية طفل ماتو بهل الثورة .
هي الثورة لألكن مو لألي لأني بكل الاحوال مالي مستفيد ولا بشرفني استفيد على حساب دم الشعب يلي مات .
وهل الشي يلي ذكرتو ما ذكرتو مشان يعني بيع وطنيات واخلاق وشرف , بس ذكرتو لشغلة وحدة وهو :
أنو جماعة المحاكمة يعرفوا ( ولا ما يعرفوا مو مهم ) أنو انا قبل ما يتفزلكو علينا بثورتهن انا كنت عم قوم بالشي الصح , وحاولت ما ضر حدا وما استغل اي شي مشان مشي مصلحتي على حساب مصلحة العالم , وانو ما بدي دروس في الاخلاق والضمير لحتى أعرف شو هو المفيد والمضر لهل البلد , انا يلي علي عملتو , فبقى ما يجيني واحد طول الوقت نازل سب بهل العالم ويقلي بكل برودة دم :
( انا أُشبهه بقريب لي, يستفيد من اغلب مزايا النظام ومن اهمها الاستقرار. أمور مثل الحرية, الكرامة والديمقراطية غريية عليه ولا تهمه, فهو لا يتدخل بالسياسة ويعمل إنه اخرس اصم فلا يهتم إلا بأموره اليومية ويعيش على أساسها حياة رغيدة . انا أُخمن ان الزميل تاجر بحلب يبيع البوظة أوكباب حلبي..؟! )

وفي الختام إليكم قائمة الاتهامات الجاهزة :
بكائية , لطمية , دروس في الشرف والاخلاق , متلازمة ستوكهولوم , متلازمة توم وجيري , متعاونة البلهارسيا , متضادة ساكسافونيا , متوافقة شرشبيل وسنان , متنافرة شحاطات للبيع , متوازية نهر قويق , متلاصقة فرن الكعك , متساخفة افلام البورنو , متجانسة على البعد بعدك يا جبل حوران, ...................ز إلخ

وشكرا على تعبكن مشان مصلحة الوطن.

هل أنت تتحدث عن حالي أم عن حالك?

من أجل هذا نحن أقوياء

---

(01-31-2012, 12:05 AM)Emile كتب:  

(01-30-2012, 11:56 PM)Rfik_kamel كتب:  

(01-30-2012, 11:29 PM)ابن سوريا كتب:  نعم إيميل البعض بدمشق ذاتها كذلك، يعيشون تناقضات غريبة أحياناً، هم ليسوا مع النظام لكنهم يخشوونه، ولكي يبرروا لأنفسهم جبنهم يقولون لك السياسة لها أهلها وأنا لا أفهم بالسياسة، والبلد كانت بخير وهيك عمبتخرب، وأنا محايد مو مع حدا، بس شو بتعمل لو كنت مكان بشار الأسد، ومن هالحكي.
المشكلة أنهم بمناقشتهم بالأمر يثبتون أنهم يهتمون بالسياسة، ولكنهم هلكعون وخائفون من التورط بـ"رأي" حقيقي.

أعتقد بالنهاية هؤلاء ليسوا فاعلين ولا أهمية لدورهم حالياً (في المرحلة الأولى من الثورة)، والكثير منهم عندما يعيشون الثورة في محيطهم القريب يتغيرون، وشهدت بنفسي تغير الكثيرين ووقوفهم الجذري مع الثورة عندما صارت في محيطهم القريب أي الدائرة المقربة وشاهدوا قذارة النظام وما يفعلونه من كذب وقمع وقذارة.
وبكل حال يجب أن نستوعبهم، وهذه الثورة أيضاً أتت من أجلهم وليست فقط لمصلحة الثوار. إنها لمصلحة الشعب السوري بأسره، بما فيهم الرفيق رفيق أعلاه، الذي يعاني من متلازمة ستوكهولم مضاعفة بمتلازمة طائفية مستشرية (متلازمة هولوكوست) ولكنه قابل للعلاج.

ذكرتني بالخطب الطوباوية للشيوخ والخوارنة..الله يصلحك
من قال لكم أن الدرب الذين تمشون عليه هو الدرب للصحيح أساسا ?
من أين أتت هذه الثقة ? قال شو قالولوه ... واللامن الحالة التي أوصلتمونا بها..
يا أخي حلوا عنا وحلوا أمراضكم أولا
ولله ماذكرتونا إلا بفواعل الخير اللي بقتلوا وبيمشوا في الجنازة!
أو اللي بيطالبك تدفع لبناء جامع بيطلع تبرع لجمعية مسلحة أو حزب تحت الأرض أو جمعية صبينجية.

حل عنا ياه..الحرية بيطلبها بياع الفول والغومجي والدكتور بيطلبوها عن خبرة وبيعرفوا شو هوي الطريق الأفضل, مش إنهك تلهب البلد بحرب طائفية وعلى شوه : منشان الغليون وحمد والطيفور
الله يطوفركن الله ... يالله عمي يالله الله ييسرلك إنتو وهي ..بالله رووا لعبوا بعيد

هلئ هادا أعلاه كلام "بالاحمر" وكلامك كلام؟ رفيق, انا ما حعلق خلي الاخرون يعلقوا.

زميل إيميل-- آخذا بالإعتبار صدق نيتك:
ربما أنت طيب القلب أو تتباسط , أنا أسلوبي هنا مختلف وقصدته عامي ومشرمحي لأقل لك لماذا:

لأنني خبرت الأحزاب الإنتهازية والخطابيون الذين يبيعونك حكي ويبيعونك شخصيا وهم ينفخون فيك ويبطبطبون على ظهرك
لذلك ومن خبرتي الشخصية إلتقيت بناس كبار ومخضرمين بالحياة , يعني مثلا أنا أتيت لرجل أضاع حياته في العمل السياسي وكانت معي بعض منشورات وحاولت أن أعطيه إياها بناء على طلب أحد أعضاء الأحزاب اليسارية فنظر لي ذلك الرجل نظرات خجلت منها! فمن أنا طالب سنة أولى جامعة تجاهه وهو الخبير بكل هذه الأحزاب وكان فيها قبل ما إخلق?
كذلك عندما تحول جذب ناس عارفين البير وغطاه فيقولون لك روح ياعمي وبلا وجع قلب, ويمكن أن يطردك شخص آخر لأن لديه خبرة مرة.

لذلك لا يغشك الكلام الظاهر وإنتبه للباطن

لذلك أنا قصدتها هكذا جلفة لكن صادمة, كما هم أبناء بلدنا الطيبون كالحلاق والنجار والميكانيكي .

أتمنى أن تكون وصلتك الفكرة, أما الآخران فقد وصلتهما الفكرة بالتأكيد

---

أما مداخلة الزميل مسلم فلا شك أنها وضعت النقاط على الحروف