رغم انها بالأصل لمبارك، لكنها تصلح للأسد أفضل، مع الاعتذار من الشاعرة، طبعا كلنا عارفين مين المطرب في هذه الحالة

بيقولوا فيه مطرب مكار = بيغنى بحبك يا حمار

الواد ده وصولى وكداب = ومنافق وكمان معار

واشمعنى لوحده اللى يحبك= كلنا بنحبك يا حمار

ده لأ نك فعلا متفاهم = ومبرطع فينا ومش فاهم

وبتبعد عن اى تفاهم= بعزيمة غبية واصرار

فيه عشرة ما بينا ما بتهونشى = وان هانت برضه ما نقدرشى

محكمة العدل ما تحكمشى = وان حكمت هتولع نار

مثلتوا علينا الثلاثية فى بطولة وكانت جماعية

وعلشان ما هتكمل سداسية = عملتوا الف حصار وحصار

وفى وسط ميدان الحرية= فيه شعلة ومسكاها وليه

ما تكونشى دى ليزا المخفية= مدية اشارة انذار

وعلى العموم انا حبيتك = والهى يا بعيد يخرب بيتك

لو يوم هتشك فى ا خلاصى= وتصدق نم الاشرار

سؤال وما فيهش هزار = هو انت يعنى حمار يا حمار

علشان تصدق ان الفار= يمكن يقول للأسد ياحمار

وبعاهدك والعهد امانة = هتنك على طول ويانا

حمورية اهلك عجبانا = يا وخدنا من الدار للنار

كل الحمير ان عملت تيم= واتفقوا انك بغل عظيم

هيوزعوا شربات برسيم= على العربخانه وعلى الزوار

ارجوك ياحمار بس افهمنى=انا مش حمار هتخاف منى

انا برضه حمار واحمر منك = ما تنهق قول اى حوار

ونقول لك شى ما بتمشيشى = والحا بنقولها ما بتجيشى

ونقولك هس ما بتهسش= ومكمل بينا المشوار

وعلشان كده طبعا حبيينك= كلنا بنحبك يا حمار