(02-05-2012, 01:53 AM)Guru كتب:  مش لاقي كلام اقوله يا طنطاوي انت وعاشق....يعني كثيرا ما نتفق ولكن فعلاً هذه المرة لا أجد اي مبرر للدفاع عن قتل 70 شاب صغير كل حلمهم كان تشجيع فريقهم...ونلومهم لانهم كانوا يستفزون الخصم..

الظاهر اننا نستحق فعلاً الاخوان والسلفيين وحدودهم طالما اننا فقدنا التعاطف حتى في قتل الاطفال!

أنت أيه اللى جرالك يا أبنى أنت كمان ؟! حد قالك بندافع عن قتلهم !

يعنى عاوزنى أعمل أيه ؟ أنزل مع اللى نزلوا وأهاجم وزارة الداخلية وأقسام الشرطة ومديريات الأمن وأولع فى منشأت الدولة وأهتف وأقول يا نجيب حقهم يانموت زيهم ؟ صحيح متعاطف لكن مش لدرجة أنى أموت زيهم , ومش لدرجة أنى أساهم فى تدمير البلد بألقاء حجر واحد فى وجه ظابط أو عسكرى مصرى !

وأشمعنى يعنى دول اللى هنجيب حقهم؟ وأشمعنى دول اللى التعاطف معاهم يتسبب فى موجة أخرى من موجات العنف اللى هتخرب البلد ؟ عملتوا أيه من أجل ضحايا العبارة السلام 98 ؟ عملتوا أيه من أجل ضحايا القطار المحترق؟ عملتوا أيه من أجل ضحايا حريق قصر ثقافة بنى سويف؟ هو التعاطف والشهامة والمرجلة بتظهر فجأة ولا أيه؟
أهى كارثة من ضمن الكوارث اللى بتحل بالبلد من وقت للتانى , لكن مش هنولع فى البلد كلها علشان 73 واحد ماتوا فى ماتش كورة !

والله كنت بفكر أكتب موضوع بعنوان " مابين نكسة 5 يونية 67 ونكسة 25 يناير 2011 " وعقد مقارنة بين سلبيات وأيجابيات كل نكسة منهم ليتضح فى النهاية أن نكسة 67 أرحم كثيرا من النكسة التى تمر بها مصر الان , لكن دماغى مش رايقة وأفكارى غير مرتبة حاليا .