(02-10-2012, 10:23 AM)عاشق الكلمه كتب:  الثورة بالنسبة لى أنتهت يوم أعلن مبارك حل مجلس الشعب والشورى والحزب الوطنى وتشكيل لجنة لتعديل 6 مواد من الدستور مع ما يتراءى للجنة من مواد أخرى يجب تعديلها , وأعلانه عن عدم ترشحه للرئاسة لفترة أخرى , وأغلاق ملف التوريث للأبد

مفيش خلاف ان التحرير نفسه عيّط و ساب الميدان , لكن ( الجمل ) هو اللي خلّص ع مباريك !
طب بزمتك , الكلام اللي فوق يسوى ايه , و فيه ناس زي ( نظام الملك ) ف مناصب ف الدولة ؟
زي ما بقولك , التحرير نفسه ف يوم ما اقتنع بكلامك , لكنه اكتشف ان اللي ( فوق ) زي اللي ( تحت ) الاتنين عايزين تطهير
تجيب منين بقاه التطهير , الا لما اصحاب الفكرة يحكموا ؟
انا شغال ف الحكومة , و كل القيادات الصغيرة شغالة بنفس القذارة , لايمكن المواطن يحس باي تغيير
انما اعكس الوضع , خلي واحد شاب مؤمن بالتغيير يمسك البلد

اه فيه عشرات الوزرا اتغيروا , لكن تعرف فيه كام وكيل وزارة اتغير ؟
فيه كام مدير ادارة اتغير ؟

ده يؤكد ان ارادة التغيير = زيرو

و هي دية قناعة الميدان

صورة البرادعي و الديموقراطية مش متناقضة , اللي بيحصل ده مش ديموقراطية

اقتباس:قارن أذا بين مصر فى تلك الحالة ومصر الأن وأجبنى أيهما أفضل ؟ أنا بالنسبة لى مقولة الثورة مستمرة = الفوضى مستمرة .

اكيد مصر مبارك كانت احسن , مفيش جدال
لكن لاننا دلوقي ف مصر طنطاوي

ايه اللي هيحصل لو ( حمدي قنديل ) مسك ماسبيرو ؟
ايه اللي هيحصل لو (رفعت السعيد ) مسك التضامن الاجتماعي ؟
ايه اللي هيحصل لو ( عمرو خالد ) مسك التعليم ؟
ايه اللي هيحصل لو ( عاشق الكلمة ) مسك الداخلية ؟
مين قال انها فيزيا , عشان نفس الوشوش القديمة تفضل ماسكة ؟

ايه اللي هيحصل لو عملنا ثورة ؟

الحاكم لازم يسابق شعبه , يسابق حلمهم
الشعب ابتدى يحلم , و مينفعش يصحى ع كابوس
لكن هو ده اللي حاصل .......... كابوس


طب افرض الناس بطلت اعتصامات و اضرابات
تقدر تضمن ان مصر هتبقى احسن ؟


اه مصر دلوقتي اوحش
لكن المصري دلوقتي احسن , اكتشف اختراع اسمه : كرامة , حقوق
مش فاضل غير ان حد يستغل ده
وواضح انه مفيش