(02-23-2012, 01:30 PM)رحمة العاملي كتب:  نفس الاصدقاء عقدوا مؤتمر أصدقاء ليبيا لحماية المدنيين وإسقاط القذافي
فكانت النتائج ، نهب النفط الليبي والاستيلاء على ودائعه في المصارف العالمية ، تفكيك المؤسسات والنسيج الاجتماعي، معارك بين القبائل ،معارك الثوار بين بعضهم البعض واربعين ألف معتقل جديد والاف المهجرين واكثر من ستين الف قتيل ليبي وثلاثماية الف جريح بنيران (الاصدقاء) هم ذاتهم اصدقاء سوريا ،شوف الصدف يا اخي !!

يعني عأساس النفط الليبي كان رايح لجيبة الشعب الليبي و ماكان يروح يمين أو شمال لتمويل منظمات بالشرق و بالغرب و بالشمال و بالجنوب .. و لا كان يروح لدعم زعماء و ديكتاتوريات أفريقية و غير افريقية . و كأنو الودائع الليبية كانت باسم الشعب الليبي مش باسم أزلام النظام القذافي و المحسوبين عليه .

كانت ليبيا الظاهر سويسرا شمال افريقيا و الناس مش واخدة بالها ..

بالنسبة للنفخ و تضخيم الأرقام .. فياريت الزميل رحمة يحكيلنا شو صار بأبو رجل مسلوخة مصطفى عبد الجليل .؟ و هل تمكن الناتو من إعادة ساقه بعد الهجوم على مكتبه و بترها من شرشرها .

يعني الزميل بقدم تصور كرتوني للوضع بليبيا و كأن الأمور كانت عال العال و أجت مجموعة من الأشرار بحيلة مساعدة الشعب الليبي لعبت بعقلاتهم و ضحكت عليهم و لطشت النفط

تعالوا نعكس السؤال و نشوف مين أصدقاء النظام السوري ..

النظام الشيوعي الصيني .. ايييه انعم و أكرم بالديمقراطية و النعيم و احترام حقوق الإنسان .

روسيا الاتحادية واااااو نظام عصابات مافيوية أصدقاء و حلفاء لثلاث أرباع ديكتاتوريات العالم .

إيران ... ايييييييه شو حرية .. شو ديمقراطية .. شو احترام لحقوق الإنسان .. شو لاطائفية ..يخزي العين.

مين صفي اي تذكرت .. لبنان طبعاً (حكومة حزب الله).. و هون منيح نذكر انه كان على رأس مجموعة أصدقاء ليبيا اللي كان شريك أساسي بصناعة قرار ١٩٧٣ التدخل الدولي .. و كان مع تجميد عضوية ليبيا بالجامعة العربية و مع العزل العربي.. كله مشان قضية تاريخية مش معروف راسها من رجليها مع رجل دين شيعي لبناني كان رايح يسترزق من أموال النفط الليبي اسمو موسى الصدر .

مبسوط كتير فارس مابعرف شو ..بقرار لبنان عدم المشاركة , مع انه نفس الحكومة ذاتها كانت بطليعة الحكومات الداعية للتدخل الامبريالي للناتو

فينا نعدلكم كمان كم ديكتاتور صوت مع النظام السوري بقرار الجمعية العمومية للأمم المتحدة ضد النظام السوري لنعرف هالأصدقاء الأوفياء .

كوريا الشمالية .. زيمبابوي .. كوبا .. فنزويلا .. روسيا البيضاء (آخر ديكتاتورية بأوروبا) .. و نيكااااراغوااا . ما بعرف أديش من السوريين سامعين بوجود هيك دولة أساساً .

بالوقت اللي صوتت فيه ١٣٧ دولة ضد النظام السوري بطليعتها معظم الأنطمة الديمقراطية بالعالم .