هذا توصيف من زميل حمصي لما يجري على الأرض:

انا رح احكيلك قصة عيلة عادية من حمص هي عيلتي بس ما حدا يفهمني غلط عشان وضحلك الوضع بحمص

عيلة صغيرة بسنة الثورة
ابن عمي استشهد وابن عم نشل وابن عم جن وضرب مخه ومرة عمي انجلطت عليهم وبنت عمي ترملت وهي حامل
خالتي بكرم الزيتون كان انتصارها انها قدرت تهرب ولادها الشباب الـ 4 على لبنان قبل ما يمسكوهم المخابرات من زعلها ونقص الانسولين ارتفع السكري وضربو عيونها وبقدرة قادر قدرت تهرب لعند قرايبينها بالرقة
3 خالات بكرم الزيتون وباب الدريب كل فترة بيهربو على منطقة باعتبارها امنة بس القصف ملاحقهم
خالي ببابا عمرو بيتهم صار ع الارض
ابن خالتي انشق والتحق بالجيش الحر واذا الامن بيقدر يوصل لاي حدا من اهله بظن بتعرفوا كيف رح ينذبح
عنا بالحارة شي 15 شهيد بالحارة يعني بنفس الشارع
4 من اصدقاء الطفولة استشهدوا والباقيين 3 بتركيا و1 بالسعودية والباقي الله اعلم اذا عايشين
رفيقي بيت جده بالصفصافة بناية 3 طوابق صار ع الارض تماما
اخي مشتري سيارة هجمو ع القصور كسروها لسا عليه اقساط 4 سنين اخي التاني ما كسروها بس حطو قنابل يدوية تحت الدواليب والله حماه
عندي اخ ساكن بالشام نزل الاسبوع الماضي على حمص عشان قصص التهجير و ............
اخي الكبير الله لطف فيه وما قطعو له ايده لما انصاب برصاصة متفجرة
مزرعة بباباعمرو قبل الثورة كانت بالعشر ملايين اخي فرحان فيها وفرشها من دبي صارت بخبر كان
احكيلك امي واختي كم مرة القناص اخطا هدفه عليهم ؟؟؟؟؟؟؟؟؟؟؟؟ او اخي صارت مدري كم مرة جايين يخطفوه او يقتلوه وعم ينفد بقدرة قادر
احكيلك محل ابي بباب السباع الي تكسر ؟
او محل صهري بالبياضة الي ضربوه بقذيفة
طيب احكيلك عن طلاب مدرسة تركو مدرستهم ومستقبلهم مجهول ؟
خطيبتي اجتها رصاصة قناص بالقرابيص نجرح خدها والله حماها حماتي بتقولي اذا بنزل هلاء رح يقلبو عني ويبطلو يعطوني
او انا مطلوب بسوريا وامي فرحانة لان ما رح اقدر انزل طيب بشو حاسس انا صرلي سنة ونص ما شفت امي ؟
طيب انسى كل هدول
ابن اختي عمره سنتين ونص بالخالدية تعود على اصوات القذائف وصارت تعجبه الشغلة وخاصة النار الي بيطلع منها
كل ما سمع صوت انفجار بيركض على البلكونة بدو يتفرج وبصير يبكي اذا ما خلته امه
بنت اختي عمرها 16 سنة بقيت اسبوع بدون اكل بدها تروح لعند خالها مشان تطلع معاه بمظاهرة الحرائر لان بباب السباع ما في نسوان ومشت كلمتها ع الكل وطلعت
بتعرف منطقة الوسط التجاري بحمص مدمرة يعني ما يقابل سوق الحمدية وجامع الاموي الي بالشام يعني اهل حمص بدون دخل مادي وحتى الموظفين منهم
الدبابات دخلت لعنا ع الحارة طلعت من فوق اكتر من 100 سيارة سيارات كانت مصدر دخل اصحابها
لسا ما حكيت عن الخووف من حالات الاغتصاب وقتل الاطفال

بدك قصص من هالنوع بحكيلك للصبح بس حاج