شكرا يا استاذ بهجت على ردك

نيجي بقى لحكاية الانقلاب الديمقراطي
اولا هل نموذج الجزائر ممكن يطبق في مصر ؟
هل ممكن نتحمل حرب اهلية زي اللي حصلت هناك ؟
و بعدين اقتصاد الجزائر حتى الآن معتمد على الثروة النفطية , هل احنا عندنا كدة ؟

الواقع ان خياراتنا محدودة
و بعدين هو ده اساسا خيار المؤسسة الامنية , و احنا مش هنكون ادرى منهم
يعني مثلا قبل الثورة و لما كان الجهاز الامني في عز قوته , كان فيه معاهدة سلام مع الاخوان و ده بحسب تصريحات عمر سليمان
و كمان كان هناك قنوات فضائية مصرية مخصصة بالكامل للشيوخ السلفيين ينشرو فيها افكارهم
و ده كان بعلم و بموافقة هذه الاجهزة
احنا مش بس اصبح عندنا الجامعي السلفي , انما كمان استاذ الجامعة السلفى و حتى القاضي السلفي و هلم جرا
ده حتى الجيش بعد الثورة و لمواجهة حادثة طائفية قام بها البعض بهدم كنيسة , استعان بمحمد حسان !!!
دي طبعا صورة توضيحية لمحمد حسان للي مايعرفوش :


ده غير طبعا الفساد اللي كانت الاجهزة دي بترعاه و اللي حرم مصر من استثمارات كتيرة
و النتيجة ملايين الفقراء و المحرومين , و طبعا تربة خصبة للاصولية

و الاخطر من الفساد الغباء
يعني مثلا ليه الجيش بعد الثورة في الوقت اللي كانت سمعته جيدة جدا عند كل التيارات
و في الوقت اللي كان السلفيين بيحاولو ينفو عن نفسهم تهمة العمالة لامن الدولة
ليه لم يستغل شعبيته و بالتعاون مع التيار المدني , لوضع دستور علماني او حتى وثيقة لحقوق الانسان تكون خط احمر يتعهد بالدفاع عنها و تحمينا من خطر الاسلاميين في حال وصلو للسلطة

لكن في المقابل دخلنا في سلسلة من الهبل و الفوضى
زي مثلا استفتاء مارس اللي كلفنا الملايين بدون اي هدف مفهوم

الخلاصة ان احنا مش فرحانين بالوضع اللي احنا فيه
انما احنا بنعزي بعض بآخر امل عندنا لصد الهجوم السلفي الاخواني
اللي هو ما تبقى لينا كشعب و ان كان قليل من العقل و الفطرة السليمة
و الجيش برضو موجود للضرورة القصوى جدا
انما دلوقت المفروض يبعد عن صراعات تستنفزه و هو اصلا غير قادر على مواجهتها

و بعتذر طبعا للجميع على الطلعة البهية لمحمد حسان
لكن ده للتذكير بما قدمته لنا الاجهزة الامنية و العسكرية بعد كل السنين دي من حكمهم