{myadvertisements[zone_1]}

النظام الخطي الساحل السوري تحت حكم شبيحة آل الأسد - قصص زياد الصوفي

((الراعي)) عضو رائد المشاركات: 1,100 الانضمام: Oct 2009 مشاركة: #2 RE: الساحل السوري تحت حكم شبيحة آل الأسد - قصص زياد الصوفي هلا عاقل...اسم علقان بضمير و ذاكرة كل أهل اللادقية الأشراف من أكتر من عشرين سنة و لهيدي اللحظة.. هالبنت اللي اتفوقت على كل رفقاتها بصف الحادي عشر و طلعت الأولى على مدرسة الثورة، هالمدرسة اللي بتوقع بمنطقة فقيرة باللادقية بس خرجت طلاب اتفوقو عالكل بحياتهون و نجحو بمستقبلهون كتير... بنت عيلة بسيطة ساكنين بمشروع الزين، كل يوم تمسك شنطة كتبها و تمشي من المشروع لصوب فندق القصر باللادقية لحتى توفر على أبوها تمن تذكرة باص الدولة و تلحق بصفها... بنت آية من آيات الجمال... و هيدي كانت لعنتها... ما كان أبوها عرفان يوم اللي نزل عيلتو من الضيعة ليكونو الأولاد قريبين من مدارسهون و هوة قريب من وظيفتو، أنو بيوم من الأيام هيك رح يصير فيهون... القصة بنهاية التمانينات، لما رفعت الأسد ترك البلد و ترك وراه كل كلابو اللي كانو بيوم من الأيام تحت اسم سرايا الدفاع و الصاعقة... طلع نجم شبيح جديد يومها بالبلد، و سمى حالو شيخ الجبل... محمد الأسد ( شيخ الجبل ) جمع كل كلاب رفعت اللي فلتت بالشارع بعد ما تركهون وراه لمصير مجهول و هرب على باريس... هلا و هية حاملة شنطة مدرستها و ماشية تحت مطر اللادقية، بينصدم بجمالها شيخ الجبل... كل يوم على هالحالة، من مشروع الزين لمدرسة الثورة و هوة وراها بالسيارة، على تلطيش و رذالة منو و من هالكلاب اللي معو... البنت خافت و راحت خبرت أبوها، بس هالدرويش اللي لا حول له و لا قوة ما كان قادر يعمول شي مع جبروت الشيخ و زعرنة كلاب رفعت.. الكارثة بديت لما بيندق الباب و الكهربا مقطوعة و بيفتح الأب عضو الشمعة ليشوف شيخ الجبل واقف ورا الباب عم يطلب يشوفها لهلا... ما تواخزني يا شيخ، بس البنت نايمة مريضة و حرام فيقها... هلا المسكينة متخباية ورا أمها و أخوها بهالبيت الرطب و عم تسمع شيخ الجبل ورا الباب عم يطلب يشوفها من أبوها... إسماع علي.. عندي كلمتين ما في غيرهون.. البنت بدي ياها، و برجعلك ياها بكرة الصبح و عضهرها مية ألف ليرة، شو قلت؟؟؟ مية ألف بهديك الأيام كان رقم كبير كتير و خصوصي لعيلة معترة متل هالعيلة، بس شرف و نخوة الأب و رجولة الأخ ما خلتهون لثانية وحدة يفكرو بالقبول.. بيركض أخوها من الغرفة الجوانية و بيطلع عشيخ الجبل و بيلبطو على بطنو بيخليه يقلب على الدرج... باللحظة اللي عم يسكرو الباب ليهربو. شيخ الجبل كان شايل مسدسو و مقوصو للأخ بس رحمة الله كانت موجودة و الرصاصة ما اجت بهالشهم... بيطلع من البناية و كلابو ناطرينو تحت و هوة عم يتوعدها لهالبنت بأنو انتظري اللي جاييكي.. أسبوع كامل و هلا ما عم يخلوها أهلها تروح عالمدرسة... اعتقدو أنو القصة خلصت و شيخ الجبل شالها لهالبنت من راسو... باتصير الساعة 12:30 الضهر موعد وصول هلا عالبيت، و هالبنت ما وصلت... تلات ساعات و الأم و الأب رح يموتو ليعرفو شو صار بأميرتهون، بس ما في خبر... بيرن التلفون: ما اشتقتلولا لبنتكن؟؟؟؟ كنت بدي أعطيك مية ألف على ضهرها لهالبنت و هنت رفضت، هلق هنت و مرتك رح تسمعو صوتها لبنتكون كيف كل شب من هالشباب اللي عندي عم يغتصبا... و ليك تقلك: أنا أبقا إلي نفس بهالهبورة، تركتها لهالشباب يتسلو فيها... نص ساعة عالتلفون، و الأهل عم يسمعو صوت بنتهون عم يغتصبوها كم كلب من كلاب شيخ الجبل لحد ما اختفى الصوت و انقطع الاتصال... ما تركو مخفر ما خبروه و ما حدا ساعدهون لمجرد يسمعو بإسم شيخ الجبل.. ما تركو مستشفى ما سألو فيها إذا بنتهون دخلت، و كل أبواب المستشفيات تتسكر بوجههون لما يسمعو اسم شيخ الجبل... بيطلع الصبح على هالعيلة المساكين و النوم عدوهون، و بينطو من خوفهون على صوت جارتهون أم إسماعيل: الحقوني الحقوني... يا بو عمار الحقني... بينزل أبو هلا ركض عالدرج ليشوفو بنتهون القمر مرمية ميتة على باب البناية... فحص البكالوريا كان عالأبواب، و رفقاتها ملهيين بالتحضير، و قضيتها لهالبنت اتسكرت ضد مجهول متلها متل كل القضايا اللي من هالنوع بلاذقية العرب (تم إجراء آخر تعديل على هذه المشاركة: 01-31-2013, 06:44 PM بواسطة ((الراعي)).) 01-31-2013, 06:44 PM {myadvertisements[zone_3]}

« السابق | التالي »

الردود في هذا الموضوع

الساحل السوري تحت حكم شبيحة آل الأسد - قصص زياد الصوفي - بواسطة ((الراعي)) - 01-31-2013, 06:41 PM, RE: الساحل السوري تحت حكم شبيحة آل الأسد - قصص زياد الصوفي - بواسطة ((الراعي)) - 01-31-2013, 06:44 PM RE: الساحل السوري تحت حكم شبيحة آل الأسد - قصص زياد الصوفي - بواسطة ((الراعي)) - 01-31-2013, 06:46 PM, الرد على: الساحل السوري تحت حكم شبيحة آل الأسد - قصص زياد الصوفي - بواسطة خالد - 01-31-2013, 07:06 PM, RE: الساحل السوري تحت حكم شبيحة آل الأسد - قصص زياد الصوفي - بواسطة مصطفى علي الخوري - 02-01-2013, 12:18 AM, RE: الساحل السوري تحت حكم شبيحة آل الأسد - قصص زياد الصوفي - بواسطة مصطفى علي الخوري - 02-01-2013, 02:44 AM, RE: الساحل السوري تحت حكم شبيحة آل الأسد - قصص زياد الصوفي - بواسطة ((الراعي)) - 02-01-2013, 05:01 AM, RE: الساحل السوري تحت حكم شبيحة آل الأسد - قصص زياد الصوفي - بواسطة Rfik_kamel - 02-01-2013, 05:53 AM, RE: الساحل السوري تحت حكم شبيحة آل الأسد - قصص زياد الصوفي - بواسطة ((الراعي)) - 02-01-2013, 11:15 PM, RE: الساحل السوري تحت حكم شبيحة آل الأسد - قصص زياد الصوفي - بواسطة ((الراعي)) - 02-04-2013, 04:49 PM, RE: الساحل السوري تحت حكم شبيحة آل الأسد - قصص زياد الصوفي - بواسطة ((الراعي)) - 02-08-2013, 01:27 AM, RE: الساحل السوري تحت حكم شبيحة آل الأسد - قصص زياد الصوفي - بواسطة ((الراعي)) - 02-08-2013, 01:29 AM,

المواضيع المحتمل أن تكون متشابهة…
الموضوع		الكاتب	الردود	المشاهدات	آخر رد
	لرئيس السوري بشار الأسد يؤدي اليمين الدستورية لولاية رئاسية جديدة مدتها 7سنوات	Rfik_kamel	9	810	07-20-2014, 04:01 AM آخر رد: Rfik_kamel
	في سوريا الاسد، بقلم ذياد الصوفي	مصطفى علي الخوري	22	2,162	01-04-2014, 10:13 PM آخر رد: Rfik_kamel
	استقالة البرادعي و انباء عن استقالة زياد بهاء الدين	fancyhoney	20	2,505	08-19-2013, 08:47 PM آخر رد: Sheshonq
	معركة الساحل ..وقصة الفيل والحبل	أبو علي المنصوري	0	558	04-29-2013, 07:57 PM آخر رد: أبو علي المنصوري
	رسالة إلى شبيحة القلم الرخيص	أبو علي المنصوري	0	439	01-29-2013, 10:25 PM آخر رد: أبو علي المنصوري

يتصفح هذا الموضوع من الأعضاء الان: بالاضافة الى ( 1 ) زائر
{myadvertisements[zone_2]}

Translation by Arabic support - Ver: stable 1.0
Powered by MyBB, © 2002-2025 MyBB Group.