مين هاد الراعي؟ مو على أساس من الخارج؟

هلأ كون المسيحيين على الدين القويم، وماشيين صح، مو متلنا نحنا الـ****ـات المسلمين، ليش ما حدا يحلي حنك الراعي بالعبارة الشهيرة "دع ما لله لله وما لقيصر لقيصر"، كونه من الأكليروس، خلي كلامه بعيد عن السياسة ومحصور في "الروحانيات".
هلأ نحنا ما عنا أكليروس، ويللي عم يجرب يخترع أكليروس عم يتبهدل، حتى لو كانت لحيته مكنسة الجنة، وعباته أكبر من عباية بشار، وعمامته سقفا محفوظا.
بس يللي عندهم أكليروس يقولوا للراعي إنه بصفته بطريرك، واحتراما لبطريركيته، يسيب الدنيا للجمهور، وليعمل من أجل مملكة ليست في هذا العالم.
وبصفته مواطن لبناني، ورث موقع داعية سلخ لبنان عن سوريا الأول وتأسيس دويلة لبنان الكبير لرعاية شؤون الأقليات عامة والموارنة خاصة، على يد الجنرال غورو، خلاف القانون الدولي وخلاف صك الانتداب الذي لم يكن أيضا بقانوني… ما شايف إنه طمع البطرك ومد إيده؟ يعني حجز لبنان خاصته، وبدو يشارك بسوريا كمان؟