(03-06-2013, 11:54 PM)خالد كتب:  شوف عزيزي أوبزيرفر،

يللي بيقف على راس الطبخة بيوكل منها، ويللي بدو يسب على العروس والعريس وأبوهم وأمهم، شلون عاد بدو يوكل؟

يا عزيزي بلا هالاكل من هالطبيخ من اساسو، يعني من بعد الجاهلية العثمانية مرورا بالانتدابين الانجليزي و الفرنسي و ليس انتهاء بالصراع العربي الانجليزي و احنا نطبل و نرقص للعروس و اهلها و نحممها و نغسل رجليها بالاخير طبخوا طبخة عالية الدسم و حطوا فيها رطل ملح و احنا جماعة معنا كولسترول و ضغط، و قلنالهم هالحكي قالولنا ولووو انتوا اهلنا، هاي الطبخة مش الكم، جبنالكم معنا شوية ساندوتشات، يالله كلو و انبسطو، قمنا اعترضنا، فقالولنا الجماعة، هالسندويشات اكتر ما بطلعلكم، و وافقهم الرأي كل المعازيم، منهم اللي حكى انتو ضيوف ومش صاحب العرس و منهم اللي حكى انتو تحمدوا ربكم الى عزمناكم كمان! و اليوم بدهم يطبخو كمان طبخة و بدهم ايانا نوقف معهم!

اقتباس:بس انت لهسه ما جايب شي غير عصا، وين ما بتشوف دولاب ماشي عم تفركشو، فما رح يقبضك حدا جد، إلا أنا

يا سيدي هذا مجرد نقاش و هينا عم نهلوس ! و بكفي تقبضوا حلول القاعدة و جبهة النصرة عن جد!