في مفاجأة شخصية بالنسبة لي جاء زميل من العمل وتحدث معي حواراً "قصيرا" يملأه الصراحة والوضوح في فترة الغذاء...الزميل هو من محافظة البحيرة . واسمه(رضا).

وقبل أن أطرح ما قاله. فهو زميل كان مؤيداً للإخوان وللرئيس مرسي في كافة الانتخابات السابقة..وفي الاستفتاء الأخير صوت(بنعم)هو وكامل أسرته..وهو يعلم موقفي السياسي وتحذيراتي المتكررة للزملاء المؤيدين لمرسي بعدم انتخابه أو التصويت لصالحه في الاستفتاء..

الحوار:

رضا:ياابوعبدالرحمن أنا عايز أقوللك حاجة..

سامح:أيوة يارضا اتفضل

رضا:بإذن الله بإذن الله أنا عندنا في البيت 13 صوت..وهانروح كلنا الانتخابات ومش هاندّي للإخوان..

سامح: أنا مش مصدقك لأنك المرة اللي فاتت اقتنعت بكلامي بأن الدستور غلط ورغم ذلك روحت قلت نعم!

رضا:لأ المرة دي بجد والله العظيم أنا كرهت الإخوان ومرسي واللي عايزينهم...هما مالهومش في الدين ولا السياسة خالص وكانوا بيضحكوا علينا وبيوهمونا بإنهم بتوع دين ودلوقتي ظهروا على حقيقتهم..

سامح:شوف يارضا أهم حاجة إنك تكون فاهم ومقتنع باللي انت بتقوله، ساعتها مش هاتضعف لو حاجة اتغيرت وقت الانتخابات..وياريت الناس كلها تكون زيك وتفوق من الوهم والمخدرات اللي الإخوان والسلفيين كانوا حريصين على إنهم يشربوه للشعب..

رضا: والله ياابو عبدالرحمن لو تعرف أنا ندمان قد أيه دلوقتي على إني قولت نعم في الاستفتاء مش هاتصدق.

سامح:مش مهم اللي فات مات..الأهم إننا نتعلم واللي يعيش ياما يشوف

كان حوار قصير هذا أهم ما جاء فيه..والأخ الزميل هو صاحب لهجة ريفية أقرب إلى الصعايدة وهي لهجة معظم أبناء البحيرة يتحدثون بها..وهو أخ طيب وغلبان علشان كده أنا صدقته ،فهو عندما يتحدث فهو يتحدث من قلبه.

دليل على أنه أخ صادق أنه جاء بعد الاستفتاء وقال بأنه صوت(بنعم)بكل صراحة رغم أنه كان يعلم موقفي من هذه النتيجة، ولكنه قال( إحنا متعودين نقول نعم على طول يابو عبدالرحمن)...!

هذا هو حال معظم المصريين..(متعودين يقولوا نعم)..وهذه العادة هي ما شجعت المتأسلمين على فرض دستور مزيف على المصريين في الاستفتاء الأخير..ولكن اللي فات مات ونفوق لمستقبلنا...

الإخوان يسقطون في كافة الانتخابات النقابية والطلابية والأهلية بعد.. (كارثة الإعلان الدستوري المشئوم)..وهي علامة على ما قد تؤول إليه الانتخابات القادمة لمجلس النوّاب..فمن الآن يجب أن يقوم كلٍ منا بدوره وهو التوعية..ثم التوعية .

يجب علينا جميعاً أن نُحاور الناس ولا نسخر من اختياراتهم، ولكن نكتفي ببيان الرأي وأبعاده من أسباب ودوافع ونتائج...هذا هو السلوك الأقرب للإقناع..فإذا ما لم تقتنع نسبة معينة ولكن يكفي أننا صنعنا لديها المدخل للمراجعة والعودة.