عزيزي،

سألناك سؤال أجب عليك بدون ما تخوض في ثنايا التاريخ،

أنت ترفض الخلافة، هل ترفضها لأنك تعرف ما هي؟ طيب فضلا لا أمرا ممكن تشرحلنا ما هي؟ بركي رفضناها معك؟
ثاني باشتان، أنت زعمت، وزعمك لاعلاقة له بالصواب حتى بالشبهة، أن الخلافة هي حكم رجال الدين الإسلامي، طيب ممكن فضلا لا أمرا تشرحلنا شلون الواحد بصير رجل دين إسلامي، وبعد هيك تحكيلنا أسماء حقيقية لخلفاء عاشوا في التاريخ، وكانوا رجال دين، وسأنظر متعجبا لرؤيتك تنجح.
ثالث باشتان، أنت تقول أن الخلفاء كلهم غير شرعيين، فالسؤال هو ما هي الشرعية؟ نسبة إلى ماذا حكمت على أن الخلفاء غير شرعيين؟ طيب إن كان الخلفاء غير شرعيين مين هم الشرعيين في نظرك؟ أكاسرة المدائن مثلا أو أباطرة القسنطينية؟ يعني أعطينا مثال عن الشرعية في ذلك العهد وهذا العهد، حتى نفهم عليك عن شو عم تحكي.

بعدين يا محترم، الحكي بالمواضيع الجدية ممكن بدون إيقونات الولاد الصغار، لأن تحريك السبابة أمام وجه من يحاورك إن كان ليس طفلا تحت ولايتك هو أمر مرفوض في كل الثقافات، يعني معناها أنك عم تمارس الأستاذية على المحاور، فبطل حركات هالولدنة واقعد أعوج واحكي جالس حتى نفهم شو بدك من الآخر.

من الآخر، أنا بقلك شو بدك،
يعني لو العرب تركت الإسلام ورجعنا كل من ينطق باللغة العربية إلى اليمن أو أن يغير لسانه وينطق بلغة ترضاها أنت له، بيمشي الحال وبتبطل تصرع راسنا برفضك لشي انت ما بتعرف شو هو؟ يعني الخلافة طبعا، لأني كما قلت أتحدى أن تعرف ما هي!

يعني مثلا أنا أرفض بناء المجتمع على الأسس الشيوعية، وعلى الأسس الرأسمالية، ولمن تسألني ليش رح أعرفلك بكلمات جامعة مانعة ليش، طبعا هاظ مثال فرضي، لأني ما رح أتعب حالي واحكي بهيك مواضيع هون، بس يعني مثل والمثل لايناقش.
أنت ترفض الخلافة بناء على شو يا ترى؟ بس على أنها من التاريخ؟ هيك من باب كله صابون؟
يعني لمن الفرنسيين استعادوا فكرة الجمهورية من روما، إبان الثورة الفرنسية، رغم أنه روما ذات نفسها خريت على الجمهورية وبنت بدل منها الامبراطورية في ذلك الوقت، بنقول للفرنسيين أنه فكرة الجمهورية فكرة خريوا عليها صحابها اتركوها؟ عليم الله لو انك عايش وقتها وتحكيهم بنفس المنطق تبعك غير يحطوك بعهدة المدام جيوتين قبل ماري أنطوانيت ولويس السادس عشر.