سميراء العبيدي شاعرة المقاومة العراقيه البطله




سميراء العبيدي



شيخ أنزع الغيرة والبس الدستور

واذا سألـــــــوك ربعك كَول حرية

واذا كَالو أخيتك ضامهه ابن جناب

كَلهم قاعدة وكَلهم ارهـــــــابية

كَلهم ما اعرفهه منين هاي منين

يالبعت الشرف وانطــــوك خرجية

عمت عين الجبان المايشيل سلاح

لجل الماجدة الـــــــحرة العراقية

ما لازم عشيرة نشيل كلمة شيخ

اذا وسط السجون اعراض مسبيه

شيخ الما تشيلة الغيرة عيب يشيخ

خل ينزع عكَـــــــــالة ندزلة هبرية

ما نتبع عميل ولا بعد هيـــــــهات

صفقة نكون بجيوب السيــــاسية

أسامة وصالح المطلك ومن والاه

كلهم للفرس صــــــاروا سلوكَية

واريد ابعث رسالة لخادمج طهران

ابالك لا عبالك تبقى سلــــــــمية

ما يحكم وطنه ابن العجم والشاه

ولا بيت الأســـــــد تحميه واويه

أحنا اهل الحرب واحنا العشكَنه الموت

نغـــــــــازل بالجفن ونبوسه يوميه

واحنا اعلة السواتر صغنا دمنا اشعار

بعشك القــــاذفة وعشك الرباعية

وأســـــال يا جبان علوج الامريكان

وأسألهه الهمر شنهو الــحراريه

عراقيين أحنا وما نوطي الراس

ولا نقبـــــــل ابد ذل وعبودية

ولا تحلم حلم نتراجع احنا بيوم

أخوتي وعالعرض جولك فدائية

بعد ميفيد صرح كَول عشرة ارهاب

ولا ينفع تكَـــــــــول ازلام بعثية

نشك حلكَك وحلك اسيادك بأيران

ذولة احنا الشعب يا ابن المجوسية

نتفاوض معا من واحنا اهل البيت

ما نقــــــبل تفاوض وي حرامية

ما النه مطالب احنا النه حكَوك

لو تحرير لــــــو موته جماعية

لو ارجع لأمي وبالعلم ملفوف

لو يسقط نظام المالة شرعية

وعميل الراد تقسيم العراق اقليم

فاقد للحياء بكــــــــــــل معانيه

نزين شاربه ونشعل ابيه وياه

يريــــــــد ابن الأجانب فيدرالية

خل يسمع كلامي واني أخت رجال

بنت كـــــــل العشاير مو عبيدية

شيخ الما يجيني مكَابل ام عران

راح نكَلــــــــــــة شيخ الكاوليه
واحجي وصريح الحجي والله ما بسمرة
بحر المراجل نشف حلوة وبقى بس مرة
مجروح صاح الوطن افزع يلو بس مرة
وشيخ اليخاف يخسى فاين تراه وجبن
خل لا يديــــــر كَهوة ويبيع بيض وجبن
والعجمي خل يفتهم عدنا النساء ينجبن
ما ننطي هذا الوطن لو تبقى بي بس مرة