(07-04-2013, 07:13 PM)فلسطيني كنعاني كتب:  يا زلمة مش هيك .... ما تزعلني منك على هالمنطق العجيب !!

خيانة و نص .... القصة مش انهم ظلو على الارض بس ، القصة انهم ساعدو المستوطن علشان يطردوا شركاءهم على هذه الارض. أمر هؤلاء الخونة شبيه بمن يتعاون مع لصوص ليسرق جيرانه !!

عندك غالبية الفلسطينيين في 48 لا يخدمون في الجيش الإسرائيلي أصلا و يستخدم هذا كذريعة للتمييز ضدهم في كل شيء ( و انت ادرى مني بذلك ) ، فكيف تقارن الثرى بالثريا ؟؟

أما الشتات ... سواء كان طوعيا أو كرها ( اللاجئين ) فهم في غالبيتهم لم ينسوا انتمائهم لأرضهم و أرض أجدادهم.

فكيف تقارنهم بمن يرضى بان يكون كلبا مطيعا عند الاستيطان اليهودي كبعض الشركس و البدو و الدروز ؟؟

يا زلمة أنا حاليا مغترب و تعرفت على فلسطينية في الغربة ، ما في بيت فلسطيني دخلته إلا و عنده خريطة فلسطين منحوتة على قطعة من خشب الزيتون ، شو عم تحكي ؟؟ تقارنلي إياهم بشوية دروز و شركس برضوا يكونو كلاب عند اليهود ؟؟
كون المغتربين خارج فلسطين لا يعني أنهم لا ينتمون لأرضها .

يا أخي المنطق اللي طلع معي هو بناءاً على نظريتك.
جبنالك أكثر مثالين متطرفين اللي هي "الناس اللي خانوا وطنهم" اللي بخدموا بالجيش بس بقيوا على أرض فلسطين، والفلسطينيين اللي بحياتهم ما شافوا فلسطين أما يمثّلون غالبية الشعب الفلسطيني.
هاي هي النتائج لادعائك انو الإنتماء الوطني بتمثّل في الأرض.
العربي اللي في الجيش من ناحيتو هو بقي وفي لوطنو اللي هو الأرض، بدون علاقة لا بالناس اللي تشردت ولا بالقرى اللي تهجّرت، المهم انو هو حافظ على ألأرض، فهل يعني هذا أنه حافظ على الوطن؟
طيب بما أنو الإنتماء الوطني عندك لبقعة الأرض، فليش بتعتبر الخيانة الوطنية هي خيانة الإنسان اللي ساكن الأرض؟

اقتباس:ماذا تقصد بالثقافة ؟؟ هل تقصد الدبكة و الاغاني و الرقص و cuisine؟؟ أم تقصد الدين ؟؟ أم تقصد اللغة ؟؟

الثقافة هي الفكر.
أنا في براسي نوع معين من الفكر، "وبالصدفة" أنا ويّاك بنتشارك نفس الفكر من ناحية مصلحة الوطن، "وصدفة" ثانية انو انسان عايش معنا على نفس الأرض، وبتشارك معنا نفس التاريخ، وقبر جدو جنب قبر جدي، بس مصلحة الوطن عندو غير عنّا... بالنسبة لإلو الوطن هو الدولة/السلطة، مش مهم دولة حق ولا باطل، وبناءاً عليها بتجند للجيش الإسرائيلي وبتبرع بالدم لما فيه حرب وبفتح بيتو بالشمال ملجأ لشراميط سديروت كل ثلاث أربع سنين.
هاي هي الثقافة الوطنية والإختلافات بينها.

اقتباس:مع احترامي لك ، قصة كاتالونيا ليست حديثة بل و اقدم بكثير من فرانكو ...... إقرأ عن حروب عام 1640 ، حتى اللحظة يحيي الكتالونيون ما يسمونه ذكرى الثورة الكتالونية.

ماشي يا سيدي، بفحص بالنسبة لكاتالونيا وبتعرّف على قصتها.

اقتباس:الموضوع عكس ما تقول..... بوتين دعم استقلال أوسيتيا و فرضه بدعم عسكري ، اعتقد انك تقصد ساكيشفيلي رئيس جورجيا ، و الذي ارتكب مجازر في أوسيتيا و هو يحاول فرض السيطرة الجورجية عليها.

عندي صاحب جورجي (واسمو جورجي برضو) من أوسيتيا، وهو اللي شرحلي عن الموضوع، وبما أني مش من هواة السياسات اللي بعيدة عنّا، فما اهتميت بتفاصيل، وحتى لما حاولت اقرأ على النت ما كان في مصادر كافية ومحايدة.
على كلٍّ، أنا علّقت على جورجيا مشان أسألك، فرضاً أنو جورجي كان صادق والموضوع كان فيه فرض انفصال أوسيتيا عن جورجيا بالقوة ضد رغبة السكان، فهل الإنتماء لأوسيتيا في المستقبل هو الوضع السليم بدل الإنتماء "لجورجيا الكبرى".