ممكن تفرجينا هالدولة الثيوقراطية المزعومة يللي عملها مرسي يا علماني؟ يعني لو كان فعلا عمل دولة ثيوقراطية كان العسكر ما قدر ينط على مركزه كرئيس جمهورية انتخبوه المصريين.

بعدين ممكن تشرحلنا شو صفته الرسمية للعدلي منصور تبعك؟ غير انه دندول حطه الطاغية السيسي؟

سهل التنميط، وسهل القفز على المبادئ، لأنها لا تعني شيئا إلا إن أوصلت جماعتك للحكم وخصومك للسجن.

هناك من المصريين من يرفض رئاسة مرسي، بس هناك كمان من يريدها، والا شو اسمهم هظول يللي طالعين بالشوارع في رابعة العدوية وكوبري 6 وغيره؟ شو اسمهم أهل الأرياف؟ بسهولة بتشطب من يرى غير رأيك.

اطلع من عهد الخمسينات والستينات يا علماني، زمان الانقلابات العسكرية "العلمانية" ولى وراح.. بدك تعلمن مصر تفضل على الساحة ورجينا شغلك، مش تركب دبابة وترفع بارودة.. تفضل على الساحة علمن قد ما بدك، بدون انقلابات.

بدك تعزل الرئيس مرسي، في شي بالبلد اسمه سلطة قضائية، تحكم بين المتخاصمين، وتثبت على الرئيس مرسي أنه ثقرط البلد، ساعتها بتحكم المحكمة عليه بالثقرطة وبتكلف الجيش أو الشرطة بذلك، حكم المحكمة نافذ وهي سلطة قائمة بذاتها، بس صرامي العسكر مش سلطة ولا يمكن أن تحل الأزمة.

تفضل، هالملايين من الطرفين شلون هلأ رح تفلت على بعض، وشلون رح ينزل دم غالي بين الطرفين.. طبعا بس الإخوان يللي عم يسفكوا دم، تنميط جاهز جاي معلب من عصر الأحزاب الخشبية تبع الخمسينات.