نادي الفكر العربي / الســــــــاحات العامـــــــة / حول الحدث v / حدّوتة مصرية ... قصص المصريين و شهاداتهم حول ما جرى

{myadvertisements[zone_1]}
 
تقييم الموضوع:
  • 0 صوت - 0 بمعدل
  • 1
  • 2
  • 3
  • 4
  • 5
النظام الخطي
حدّوتة مصرية ... قصص المصريين و شهاداتهم حول ما جرى
fancyhoney غير متصل
واحد من الناس
*****

المشاركات: 2,545
الانضمام: Apr 2005
مشاركة: #5
RE: حدّوتة مصرية ... قصص المصريين و شهاداتهم حول ما جرى
قصة «طائر اللقلق الأبيض»، اللي اشتهر في الإعلام باسم «البطة الجاسوسة»، تصلح تماماً إنها تكون فيلم من إخراج الكوينز، ويسمُّوه «لا بلد للقالِق» مثلاً

عادةً في أفلام «الكوينز» الشخصيات بتكون مَحكومة بعبثية الحَدث، رِحلة صُغيَّرة في البداية، بتفضل تتعقَّد بشكل مش مفهوم، لحد ما توصل لنهاية جنونية، واللي بنتعلمه من كل ده «إننا منعملش كده تاني» زي ما جه في آخر فيلم Burn After Reading

رحلة بسيطة: «طائر لقلق» بيقوم برحلته الموسمية العادية من المَجَر، وبياخد واحد من 34 مسار مُعتادين بالنسبة للنوعية دي من الطيور، ولإنه طائر أهَوَج ومش مِتابع الأحداث بيقرر إنه ياخد مسار بيمر بتلك المنطقة البائسة من العالم اللي اسمها «مصر»

تعقُّد غير مَفهوم: أجهزة التتبُّع المربوطة في الطائر عن طريق باحثين في المَجر، لمعرفة المسار اللي هياخده أثناء هجرته، أثارت الحاسة الأمنية عند مواطن شريف اسمه «علي سيد علي»، من قرية المراشدة في «قنا»، قرر إن الطائر ده جاسوس، ولَبى نداء الوطن بشكل فوري، اصطاد الطائر وسَلّمه لمركز الشرطة التابع للوقف

مُحيط مَحكوم بالعَبَث: في أفلام الكوينز، مفيش شخص عاقل بيطلع في النُّص يقول للناس «إيه يا جدعان اللي بتعملوه ده؟!»، عادةً كل الأطراف بتتماهى تماماً مع اللي بيحصل، عشان كده المسؤولين في المركز قرروا، بجديَّة تامة، حَبس الطائر في الحجز لمدة يوم وليلة، لحد ما يكوُّنوا لجنة من خبراء أمنيين لفحص الطائر والجهاز

بعد 24 ساعة، ونظراً لثبات مكان الطائر لمدة طويلة، الباحثين في المجر أجروا اتصال مع وزارة البيئة، وده خلَّى لجنة من هناك تروح لمركز الشرطة للإفراج عن الطائر بسرعة، وإثبات إن الأجهزة المُعلَّقة بيه هي أجهزة تتبُّع مش أكتر

وبدا إن الحكاية بتتجه لنهاية عاقلة نسبياً، تم نقل الطائر لمحمية طبيعية في «أسوان» عشان يتعافى من التعب والإجهاد اللي تعرَّض ليه، ويقدر يكمّل رحلة هجرته مرة تانية، بس –زي أفلام الكوينز برضه- الأمور في مصر مبتمشيش بالمنطقية دي

نهاية مَجنونة: الطَّائر تعافى أخيراً، بيبدأ طَيران وهو بيفكَّر إنه أكيد مش هيعدّي من النواحي دي مرة تانية، بيسير في أمان الله، ثم؟ رصاصة من أهالي محليين من أسوان بتقتله فوراً، اصطادوه لإنه جزء من النظام الغذائي النوبي مبقاش مُتاح نظراً لندرته، وبينهي الأمر بالقلق لإنه وَجبة غدا عامرة في أحد البيوت

بفكَّر إن لو ده فعلاً فيلم للكوينز، فآخر مشهد هيكون للقالِق عَجوزة قاعدة مع بعض في أحد البلاد الأوروبية، واحد منهم ماسك مَلَف كبير وبيحكي اللي حَصل بدقَّة، وبعد ما بيخلَّص بيكون فيه صَمت لثواني، وبعدين اللقلق الأكبر سناً بيقول «طيّب.. نتعلّم إيه من اللي حصل ده؟» فيرد عليه واحد منهم «نعتبرهم 33 مسار هِجرة بس، محدّش يعدّي من البلد بنت الهابلة دي مرة تانية»، اللقالق كلها تهزّ راسها بالموافقة ويصدروا بيان عاجل لبقية الطيور

https://www.facebook.com/mohamed.elmasry...1388547906
09-07-2013, 07:21 PM
عرض جميع مشاركات هذا العضو إقتباس هذه الرسالة في الرد
{myadvertisements[zone_3]}


الردود في هذا الموضوع
RE: حدّوتة مصرية ... قصص المصريين و شهاداتهم حول ما جرى - بواسطة fancyhoney - 09-07-2013, 07:21 PM

المواضيع المحتمل أن تكون متشابهة…
الموضوع الكاتب الردود المشاهدات آخر رد
Thumbs Down خبر وصورة يحصدان غضب المصريين في دقائق Blue Diamond 839 217,674 07-05-2013, 09:42 PM
آخر رد: خالد
  اتهام حماس بقتل جنود رفح المصريين عمى قلب رضا البطاوى 0 427 03-14-2013, 05:22 PM
آخر رد: رضا البطاوى
  ايها المصريين تعلموا من اقرب اقاربكم -الإخوان نسخة عن طالبان فضل 2 758 06-09-2012, 01:07 PM
آخر رد: لواء الدعوة
  ايها المصريين تعلموا من اقرب اقاربكم -الإخوان نسخة عن طالبان فضل 0 505 06-08-2012, 09:22 PM
آخر رد: فضل
  يا بخت من كانت امه مصرية ومش امريكانية vodka 1 585 05-15-2012, 08:25 PM
آخر رد: ahmed ibrahim

الانتقال السريع للمنتدى:


يتصفح هذا الموضوع من الأعضاء الان: بالاضافة الى ( 1 ) زائر
{myadvertisements[zone_2]}
إتصل بنا | نادي الفكر العربي | العودة للأعلى | | الوضع البسيط (الأرشيف) | خلاصات التغذية RSS