بما أنه العلماني ما شايف شر في الدنيا غير الإخوان خصوصا والإسلام عموما،

فممكن هيك تشرحلنا عن مدى النعيم يللي عايشين فيه أهلنا في الضفة الغربية تحت حكم محمود عباس التنويري التقدمي الليبرالي يللي لا بحلل ولا بحرم؟ استقلوا على علمك والا بعدهم؟
ملاحظ أن إسرائيل اضطرت تسحب قطعان المستوطنين من غزة، وما اضطرت تسحب حدا من الضفة؟

ممكن كمان تشرحلنا عن مدى النعيم يللي عايشين فيه أهلنا في الداخل المحتل عام 1948، يعني مثلا عن مدى علاقة الإخوان المسلمين بمشروع برافر؟

بما أن الإخوان المسلمين مسؤولين عن مصايب الدنيا هم وحماس، فلا بد يكونوا مسؤولين عن إعلان بن غوريون لاستقلال دولة إسرائيل كمان.

طيب، هلأ بما أنه اتفقنا أن الإخوان وحماس لابد أن يذهبوا إلى حيث ألقت برحلها،
هات تنشوف استراتيجية التقدميين العالمانيين الذين يؤمنون بإبادة الخصوم السياسيين في ساحة رابعة، تنشوف شو المقترح الذي نأخذه لقطاع غزة بعد إبادة حماس والقسام والإخوان والجهاد الإسلامي،

هل نسلمه لسلطة محمود عباس العاجزة عن حماية نفسها من مستوطني نتانياهو؟
هل نسلمه لأجهزة التنسيق الأمني التابعة لمحمود عباس، والتي ستسلم كل من يخطر على باله موضوع مقاومة لإسرائيل؟
طيب بناء على ما تقدم، شو رح يمنع قطعان المستوطنين من العودة إلى غزة، إن كان الجو ربيع والطقس بديع وقفل على كل المواضيع؟ مثل ما فاتوا غزة أول مرة، شو المانع يرجعوها بعد ما يصير المكان أمان؟