يعني نصل إلى المقصود من الموضوع وهو إخراج المسلمين من اﻹسلام..

هل ترى يا ابن فلسطين أن تسميتك لما تكره بدماء حيض وربطك للاسلام بداعش يجعل الناس تخرج منه أفواجا؟

أبدا.. ما سيحدث هو مزيد من الاستقطاب الطائفي ومزيدا من الحشد الداعشي، شي بسموه التغذية الراجعة ... ومثل ما قلنا من عشر سنين لصحابك، ويمكن الك لمن تحاكينا بمعرفك القديم.. كثر اللغوصة يولد التطرف.. وساعتها اﻷقليون من أمثالك سيلجؤون لعقلاء المسلمين من أمثالي.. بش ساعتها ما حدا رح يسمعني ولا رح يسمعك.. انت ولعت النار فإنت طفيها، انت قعدت على الشوك فبايدك شيله.

ساعتها ما في داعي فودكا كل شوي يسأل ليش المسلمين ما عم يضبوا مجانين داعش.. ما رح يضبوهم ﻷنهم عند فودكا وعند من اقتنع بكلامه هم المسلمون حقا.

هاي نتيجة استخدامك كلمة مش محسوبة .. مثل ما قالوا عواجيز الفلسطينيي، مجنون زت حجر ببير مية عاقل ما بطلعه.


نيجي للمهم.

قبلك وقبل فودكا واوبزيرفر وما شابه، استراتيجية السخرية جربت، استراتيجية التعذيب جربت، استراتيجية الحشد اﻹعلامي كمان جربت، استراتيجية التنابز باﻷلقاب جربت.. كلها أدت عكس المطلوب.. جماعتك. من اللااسلاميين من ابو جهل وابو لهب لليوم ما بتعلموا... نفس الصخرة بدهم ينطحوها بنفس الطريقة.. كما قال اﻷول
كناطح صخرة يوما ليوهنها - فلم يضرها وأوهى قرنه الوعل

بس رح أكون كريم معك ومع غيرك وأعطيك الوصفة السحرية، من فم اﻹمام الحسين عليه السلام
"الناس عبدة الدينار والدرهم، والدين لعق على ألسنتهم، يحوطونه ما درت معايشهم، فإن محصوا بالبلاء قل الديانون"

بدل ما تسب على الناس ودينها، وبدل ما تعمل دعاية ببلاش لداعش.. انت وغيرك، فيك تشتغل على تقديم حلول لمشاكل الناس المتجدة مبنية على الفكرة اللادينية التي تعتقد بها، وتعيش بين الناس كفرد منهم خلال ذلك.
ان كان عند حلول، واشتغل غيرك معك من الناس يللي مثلك.. عشر سنين زمان والكل رح يمشي معك وانا منهم

بس تعلك حكي المستشرقين وسوالف يوحنا الدمشقي ومدري مين من زعران الزمن اﻷول ما رح تفيدك الا في حشد البقية الباقية من اهل فلسطين من المسلمين ضد البقية الباقية من الفلسطينيين المسيحيين.. وساعتها، زي ما قلتلك زمان من عشر سنين.. ساعتها فات الفوت وما عاد ينفع رفع الصوت.

نصحتك الك ولغيرك.. بدكو النصيحة مليح.. ما بدكو احسن، الى حيث القت برحلها، ينتقم الله من ظالم بظالم ثم ينتقم من كليهما.. اسفي على اﻷبرياء يللي راحت بسبب تعفيسكو.