أغنيتين جديدتين للملك، تقول من أخبرتني عنهما أنهما:

"اغنيتين رائعتين كل واحدة منهم تنفع تكون اغنية لحملة لمكافحة التمييز ضد المرأة"

الأولى :

اتكلمي

http://www.alkadah.com/Chansons/Mohamed%20...%20Etkalemi.mp3

وليه تسكتي زمن اتكلمي
ليه تدفعي وحدك التمن اتكلمي
وتنامي ليه تحت الليالي اتكلمي
المشربيات عيونك بتحكي على اللي خانوكي
واللى سنين هملوكي جوه البيبان سلسلوكي

وليه تسكتي زمن اتكلمي
ليه تدفعى وحدك التمن اتكلمي
المشربيات عيونك بتحكي على خلق ولت ..
سهرت..صلت..وعلت
فى الصخر شقت ماكلت
انا ابن كل الى صانك
رمسيس واحمس ومينا
كل الى زرعوا فى وادينا حكمة تضلل علينا




طبعاً يمكن أن نفهم أنها أغنية لمصر ، لكن في رأيكم ألا تنفع اغنية لحملة لتمكين المرأة مثلاً ؟


الاغنية الثانية

بنات

http://song1.6rb.com/egypt/moneer/moneer-banat.ram

فى بلد البنات كل البنات
مالية جيوبها سكر نبات
فى بلد البنات كل البنات
ماشية وظابطة فى ايدها الساعات
وقبل ما تقفل بيبان البيوت
وقبل ما ينزل ضلام الحارات
فى بلدى البنات بتجرى تروح

فى بلد البنات كل البنات
لما بتضحك بترقص قلوب
لما تغنى تاخدنا الاهات

فى بلد البنات كل البنات
تحلم تضوى زى النجوم
بتحلم ترفرف زى الرايات
بتقدر تعاند وتقدر تثور
لكن ساعات بترمي الساعات
دق الساعات بيجرح حاجات
ويخنق حاجات
---

ما رأيكم؟