اقتباس:  محارب النور   كتب/كتبت  
أنما الاعمال بالنيات ,اية جميلة من القران ,رائعة المعنى, ولم تحدد ما هية نوع العمل ولكن الاسبقية هنا الى النية,ماهي نيتك يا سيد نيوترال اي حقيقة انت تبحث عنها احب ان اعرف ,اقدر ان اصف لك المئات والمئات من المواقع التي تثبت عكس ما تقول .

احب ان اسمع منك  

محارب النور  

(f)

وأنت ليه بتدور ورا نيتي ياسيد محارب:?:
وبمناسبة النوايا فأخر خبر قرأته عن فضيحة رشاوي يقدمها البنتاجون لبعض الصحف العراقية لنشر أخبار إيجابية عن الإحتلال في العراق
ياتري إيه نيتهم من وراء ذلك:what:


عايز تحط مئات المواقع والروابط أتفضل سعادتك - شعار المنتدي هنا هو حرية الفكر وحرية التعبير

علشان أكون صريح معاك ياسيد محارب أنا فاقد الأمل تماما في الأكراد فهم بلغة الشارع باعوا القضية وصرفوا فلوسها والبشمرجة النهاردة واقفين في شوارع كركوك حاطين علم كردستان علي زيهم مش علم العراق - طيب علي الأقل يستنوا لما شهور العدة تعدي علي الدستور اللي هما نفسهم وافقوا عليه -وهما والأمريكان زيتهم بقي في دقيقهم وإسرائيل داخلة معاهم في threesome وبصراحة أنا مش متوقع أفضل من كده بس لازم كل واحد يعرف صديقه من عدوه واللحن بتاع أحفاد صلاح الدين وكل البتنجان ده أصبح بلا معني

قل كل ماتريده عن صدام حسين وإجرامه لكن الحوار الذي دار بينه وبين هذا الذي يطلقون عليه قاضي ـ أبقوا هاتوله بدلة كويسة وبلاش فضايح ـ بينبأ عن نفسية ومعدن كل شخص
فصدام رغم كل المصائب المحيطة به رفض مجرد إن شخص عراقي يستخدم كلمة ـ طلب - عند مخاطبته لشخص أجنبي وقال له أنت تأمره لأنك عراقي وهو محتل في بلدك والقاضي بيبصله بمنتهي العته وناقص يقوله يعني إيه كلمة كرامة

سلام(f)