طاب يومكم (f)

انا بقى غير البشر دى كلها

انا معرفش متى نشأ الكون ومعرفش ايه سبب وجوده وكل المناورات اللى بين الذين آمنوا وبين الذين كفروا متهمنيش

باختصار انا معرفش الله وميهمنيش اعرفه

لكن انا مش عايش لوحدى فيه ناس تانيه عايشه معايه تؤمن بما يسمى الله والناس دى عايزه تصبغ الحياه بأفكارها بأختصار كل مشروع فكرى عندهم بينطلق من إيدلوجيه معينه ... إيدلوجيه ترفض الآخر وترفض النقد وأحينا تتطرف فتعلن الحروب المقدسه وهنا إذا قام جدال بين الذين كفروا وبين الذين آمنوا حول الوجود وأساسه لا أعتقد أن الذين كفروا سوف يحرزون نصرا كبيرا على اللذين آمنوا على مستوى النخبه المثقفه ... أما إذا إنحدرنا إلى مستوى القاعده الشعبيه فستكون فضيحة الذين كفروا بجلالجل ( على الأقل فى شرقنا التعيس ) بأختصار هيبقوا جربه , وغالبا سيتطوع أحد اللذين آمنوا بوئد الفتنه وكفى الله المؤمنين شر المفكرين

بأختصار لماذا أنا ملحد

لأن الله لا يهتم لأمرى فكمان أنا طنشته مهو كمان مش معقول البج بوس بتاع الكون ( مش هدخل فى حوارت حفظتوها عن حجم الأرض بالنسبه للكون ) اللى الأرض بالنسبه له زى حبة الحمص جنب كوكب المشترى والبشر عاملين زى الفيروسات يمكن تطلع الفيروسات كمان أكبر منهم بكتير فأيه اللى هيخلى البج بوس يراقبنى 24 /7 طول عمرى وانا حاجه اصغر من الفيروس وكمان يعملى جنه و جهز ليا جهنم ويبعت فى رسل وانبياء ويسجل فى كتب اعمال البشر ... حتى لو سلمنا إن كل شئ جايز حتى جواز العجايز ليه تنوع اللغات على الأرض بالشكل ده إذا كان أبوهم آدم وأمهم حوا .... نفهم انه يكون فيه لغات مرتبطه ببعض ماشى زى العربيه والعبريه والآرميه والسريانيه اوكى لكن فيه لغات على الأرض ما فيه بينها وبين الأخرى أى صله كمان أشكال البنى آدمين يعنى تجيب ليا يابانى واوربى وافريقى وتقولى من أب واحد ومن أم واحده وآدم حسب التوراه خلق من 10000 ( عشرة الآف عام ) .
كمان ازاى يسيب سكان امريكا الأصليين من غير نبى او رسول المده دى كلها لغاية اما يروح ليهم كولمبس ويديهم الأنجيل وياخد منهم أرضهم من 600 سنه بس

كمان أحد شروط الأيمان أن اومن بكل الخزعبلات التى وردت فى العهد القديم واومن بأن الله عنصرى مكنش بيحب غير قبيله واحده من كل البشر وانه كان بيأمرهم بالقتل والدبح بأسمه
http://www.nadyelfikr.net/viewthread.php?f...d=114&tid=28786

انا كل ما أقرأ فى تاريخ الأضطهاد الدينى والحروب المقدسه اضرب كف بكف واقول هي الناس دى هبله واحد كافر خلاص ربنا ياخده انما أنا اروح اقتله نيابه عن الله واسمى القتل ده جهاد وان ثوابى الجنه :what::what: