اقتباس:  روزا لوكسمبرج   كتب/كتبت  
 
هذا على أساس أن كلامك غير مترابط ويناقض نفسه ولا يعكس إلا جهلاً مضحكاً!!  


أما ردي على "الشرشحة" اللي من نوعية باسلامة ياكتاكيت وهاهاهعععع و يابو السلاطين, فيبدو لي انها محاولة منك لإستفزازي, لا أعلم لماذا؟؟!! فأنت تصفق لي كلما تحدثت عن إضطهاد الأقباط, لكنك لا تخجل من إتهامي بلإزدواجية والإنتهازية السياسية إذا ما دافعت عن موقف مبدئي ضد العنصرية أياً كان مصدرها.

عموماً, أنت من حقك أن تعبر عن نفسك بما يناسبك, فإذا كان الكلام من تلك العينة الظاهرة في مشاركتك الأخيرة, فلا بأس, لأن كل إناء ينضح بما فيه..  

طب ليه كده بس ...
هوه أنا عملت حاجة ؟

كلامي غير مترابط و يناقض نفسه و لا يعكس إلا جهلا مضحكا ... (كويس إنه بيضحك مش بيبكي).
شكرا يا ستي على كل حاجة ...
بس خلي بالك إن أنا مكلمتكيش بطريقة مش كويسة ...
و بعدين طريقة الهروب من الكلام ديه مش حلوة ..
ايه يعني إطلاق كلام في الهوا و اتهامات بلا دليل.
تقدري ببساطة تتجاهلي مداخلاتي لو مش عارفه تردي أو مالكيش مزاج أما حكاية غير مترابط و و يناقض نفسه و الكلام عن الجهل فكده تبقى وسعت منك ...

مرة تانية لو تعرفي تحددي لي فين هيه التناقضات و اللاترابط اللي بتقولي عليهم ابقي وريهوملي ..

ثم إنني لم يحدث و صفقت لكي من قبل ..
على العموم يصعب عليك أن تريني أصفق إلا بإستخدام أنيميشن ..
مجرد أننا اتفقنا في موضوع أو إثنين لا يستدعي أن أصفق ..
و لا إختلافنا أيضا يستدعي شيئا ..
طبعا حين يكون المرء ماركسيا فإن تفسيره لكل ظواهر العالم مرده إلي المؤامرة الإمبريالية و الرأسمالية المتوحشة و ما إلي آخر هذة الترهات ..
مفهوم ..
أنت قدمت نفسك كماركسية و كماركسية تتكلمين ... لا مشاكل.
و لكن في هذا الموضوع تتكلمين كهاجر أو مسلمة او ... واحد إخوانجي.
برضه براحتك ... ياكش تقولي الشهادة و انا مالي.
لكن من حقي أستغرب و أقولك إن ده مختلف عن الخط اللي قلتي إنه بيعبر عنك.
المسألة ليست إنك حين تقولين كلاما يعجبني أصفق و العكس ..
كلامي واضح و أنتي تتهربين لأنك لا تملكين ردا ..
هكذا ببساطة ..
برضه مفيش مشاكل .. لكن و أنت تتهربين لا تحاولي الأذية في الكلام.
يعني بلاش حكاية "جهلا مضحكا" ... و "الشرشحة"
و برضه بلاش كلام عن المبادئ قوي يعني ..
علشان زي مابقولك كده (( يصعب على ماركسي صادق أن يتخذ موقفا كمساندة همج يتقاتلون من أجل كاريكاتير ... أمال لو كانوا عملوا تمثال كانوا عملوا ايه ؟!! :?:

ثم إني لم أتهمك بالإزدواجية و لا الإنتهازية ..
مش عشان عيب يعني لا سمح الله ..
يعني أنا مش بكلم الأم تريزا مثلا و لا حاجة ..
يعني لو انا شايف حاجة هاقولك صدقيني مش هاخاف منك ..
مش تقوليلي " لا تخجل من اتهامي بالإنتهازية السياسية shame on you"
و لا لما بتقولي " إتهامك الضمني لي بلإنتهازية السياسية ولن أرد عليه لأن إتهامك لا يرتقي لمستوى أن أجهد نفسي بالرد عليه "
بتحسسيني إنك إله مثلا (منزهه يعني) .. غير وارد بالمرة إن تأتي منك العيبة
ياسلام ..
على فكرة الإتهامات سهلة جدا
هيا حكاية .. اتهم و انا في مكاني كده و منغير تعب و ببلاش كمان.
و لكني لم أقولها لأنني أعتقد إنني فاهم سبب موقفك .. و قلت ذلك و قلت السبب الذي فهمته.

أما عن هاهع و يا بو السلاطين اللي إنتي شايفه إني كنت بستفزك بيهم (لا أعرف ما المستفز فيهم و لا دافعي لإستفزازك .. الإستفزاز الوحيد الذي حاولته هو دفعك للرد بدلا من الهروب) هو مشهد من مسرحية العيال كبرت ... لما أحمد ذكي كان بيكلم سعيد صالح علشان أبوهم هيسيب البيت فقاله إنه مش فاهم منه حاجة, زي ما قلتيلي كده.
رديت عليكي بنفس الرد ..
ماعجبكيش ... خسارة.

على العموم يا ستي انا هاسيبلك الموضوع .. عشان برضه تبقي براحتك.

و مش هاضيقك تاني كمان .. يلا هيصي.
و لكي مني تلك (f)

سلام.