اقتباس:  beammer   كتب/كتبت  
يا صاحب الموضوع .. صدقني أنا برضاش يصير فيك زي ما صار فيني ..

أنا اتبهدلت من العضو mass .. لما كتبت نفس موضوعك هاظ زمان.

و بنصحك تطلب من الإدارة تحذف الموضوع و إلا يا ويلك من mass


اسأل مجرب ولا تسأل خبير ..




سلام

يا عم ولا بهدلة و لا حاجة بس الكذب مالوش رجلين و عمنا الشيخ جاكسون ولا أسلم ولا ليه علاقة بالاسلام

الراجل بيحضر لألبوم جديد و الخبر لسه سامعه في التلفزيون و منشور في أغلب المواقع المهتمة بأخبار عمنا الشيخ جاكسون و أخبار الالبومات الجديدة ... ده غير موضوعات أخرى عن مايكل لم يتطرق فيها اي موقع عالمي لموضوع إسلامه ... إحتمال يكون أحد أسرار القنبلة الجاكسونية الجديدة اللي هتضرب القنبلة الهيدروجنية

بس كنت عايز أعرف هي الاغنية اللي أنتشرت بتاعة مين :23:



حوار متوقع: -
طبعا هيجي و احد يقول و ليه مش عايزين تصدقوا أن مايكل اسلم ....هرد و اقول لانه لو خبر حقيقي كان زمان كل أجهزة الاعلام العالمية بتنقله .. زي ما حصل مثلا مع محمد علي كلاي ... كان زمان كل محطات التلفزيون الامريكية بتعمل معاه لقاءات ... وافتكروا لما الأخ عريض المنكبين الشلولخ تايسون إعلان إسلامه .. كان ضيف دائم على كل محطات التلفزيون ليتكلم عن سبب تحوله ... ده غير البرامج اللي كانوا بيستضيفوا فيها دكاترة في علم النفس و الاجتماع لتحليل سبب هذا التحول ، كذلك لاعب كرة السلة الامريكي عبد الرؤوف خصوصا أنه أعلن رفضه الوقوف أحتراما للسلام الوطني الامريكي لانه ضد مبادئه.(ملحوظة عبد الرؤوف غير كريم عبد الجبار)

طبعا الرد ده مش هيقنع أخونا المتحمس و هيقول كل أجهزة الاعلام كاذبة و هما مخبيين الخبر و أن الإعلام الغربي إعلام تدليس و كذب

هريح دماغي و أكبرها و اقول:يا عم ما يسلم جاكسون و لا يتحول الشيخ كشك للبوذية .. اي حد يعبد اي حد ... انا مالي بالمصري و من الآخر" كل واحد متعلق من عرقوبه"

تحياتي
(f)