شرب جحا آخر نفسين ، و قدر يستوعب الأمر ، و حط كاسة الشاي على الأرض و استأذن من اليهودي و شكره، و طلع بره يركب حماره (آلة الزمن) ..

و طار إلى بلاد الشام يستعلم عن أحوالهم و معتقداتهم .. لاحظ ظهور عقيدة جديدة تدعو إلى المحبة و السلام لجميع البشرية، على يد إنسان قام بعمل العديد من المعجزات الخارقة، انقهر جحا .. و قال هالدين هاظ جاي بمباديء سامية و موحدة فيما بينها، و صعب هزيمته ، و صعب تفكيكه ..

إلى أن جاءته البشارة أن هناك من يحارب هذه العقيدة الجديدة ، ففرح و سأل عنه ..قالوله اسمه بولس .. و مولود بمدينة طرسوس ، مركز الديانة الميرية الوثنية .. و هو يهودي ..

عالسريع جحا حسبها بمخه، قال يهودي عنصري متعصب .. لا، و كمان متشرب تعاليم و عادات وثنية، معناته المصيبة Double .. و أقل واجب انه يضطهد أتباع المحبة و السلام العالمي الشمولي..خلينا نروحله، بلكي قدرنا نزيد الطين بلة بسيجارتين حشيش معه ..

راحله، لقاه قاعد فوق على جبل .. بضرب كف على كف ، قاله مرحبا عمو بولس .. شو مالك متنكد ..
بولس : اسكت، مصيبة و حلت فوق دماغي ..
جحا: خير طيب شو في، انته شكلك أبضاي و ما في مصيبة توقف بطريقك
بولس: كنت مفكر أني على صح، بس طلعت على ضلال : (
جحا : كيف يعني .. وضح لو سمحت حضرتك .. قولي و أنا بساعدك ..
بولس: طول عمري و أنا مخلص لشعبي اليهودي، و بناصر عقيدتهم ، و آخر شي طلعولي جماعة بعقيدة جديدة، بتخالف تعاليمنا الأصلية، و طبعا قمت بواجبي، و حاربتهم بشتى الوسائل و الطرق ..
جحا: طيب و ين المشكلة لعاد، اللي بتعمله انت هو عين الصح ..
بولس : المصيبة انه قبل شوي طلعلي الرب ..
جحا : (مصدوم) مين ؟
بولس : الرب
جحا: واحد؟
بولس : آه واحد ..
جحا : كيف كانت وحدانيته ؟ وحدانية بسيطة و لا وحدانية مركبة؟ و اذا كانت مركبة، فكيف كانت مركبة تلك الوحدانية؟
بولس: تدخليش بالصعباينات، انا شفت شيء واحد، و بعرفش عن شو بتحكي
جحا : (يتمتم في نفسه .. بعدين بتفهم) طيب .. ماذا قال لك ؟
بولس: بقولي اللي قاعد بعمله أنا غلط.
جحا: متأكد انه ظهرلك ، يعني ما كانت حلم أو رؤيا ؟
بولس: هاد اللي مش متأكد منه و محيرني.
جحا : و شو ناوي تعمل؟
بولس : مش عارف
جحا: طب كيف كان شكله ؟
بولس: على هيئة إنسان
جحا: و انته مش على هيئة إنسان برضه؟
بولس: طبعا، و لا شو شايف انته ؟
جحا: طب ... بسيطة، يعني تقدر تواجهه، بدل ما تسمع كلامه ..
بولس: قصدك أنتقم ؟ هاي أول فكرة خطرت ببالي طبعا يا فالح، بس المشكلة حجمه كبير .. كبـــــــيــــر ..
جحا : طيب، انتقم بالعقل ..
بولس: شو قصدك
جحا : يعني الحين لو قدامك قطعة لحم كبيرة ، تقدرها تاكلها مرة وحدة؟
بولس: لأ
جحا: طيب لو قسمتها على عدة أجزاء، تقدر تاكلها؟
بولس: طبعا ممكن.
جحا: طيب مش اللي ظهرلك إنسان ؟ يعني كوم لحم ..
بولس: ايوا
جحا: إذن جزأه .. قطعه ..
بولس: كم قطعة ؟
جحا : هممم بعرفش، تعال نعمل حسبة و نشوف كم واحد بطلع معنا.
بولس: يلا .. ايدي على إيدك ..
جحا: شوف .. الإله مطلق .. و اللي ظهرلك انته بتقول على هيئة إنسان ..يعني مخلوق .. يعني نسبي .. صح؟
بولس: صح !
جحا : هيك صار عندنا اثنين، و بما أنه المطلق صعب يتحد مع النسبي ، فلازم يكون فيه وسيط، يجمع بين المطلق و النسبي
بولس: رايك ندخل الروح القدس بالموضوع ؟
جحا: عفارم عليك ، هيك صاروا ثلاثة .. بس اسمع .. إصحك تقول واحد + واحد + واحد = 3 .. لا .. بتنفعش .. ابداها بالأول أنه واحد X واحد X واحد = 1 .. فهمت كيف؟ عشان تكون مهضومة .. و البركة بالناس من بعدك، هي بتصير تضرب و تطرح و تزيد و تقسم حسب الرياضيات و تطورها
بولس: ماشي، يعني قصدك أحط رابط مشترك بينهم، و بعدين الناس تقعد تفكك بينهم ؟
جحا: بالزبط .. قول انه ابنه يا سيدي .. هاي رابط مشترك، و الروح القدس روح مشتركة بينهم .. هاي كمان رابط مشترك ..
بولس: ابن الإله ؟ طب هون في مشكلة ..
جحا : شو هي ؟
بولس: انا اللي وصلني انه انولد بطريقة معجزة من السيدة العذراء مريم
جحا: طيب و وين المشكلة؟
بولس: المشكلة أنه السيدة العذراء مريم كان لها أب ..
جحا : مش فاهم ، أين الإشكال ؟
بولس: يعني الحين بينتج معنا أنه والد السيدة العذراء هو جد الإله بحسبتك هاي.
جحا: اها .. هاي نقطة تستحق الوقوف عندها .. لو التقى ابن الإله مع جده، شو راح يحكيله؟ أنا إلهك بنبرة عالية، أم "أنت جدي" بنبرة خضوع و احترام ؟
بولس: قول لحالك، انته و أفكارك ..
جحا: لا، و في شغلة ثانية ما حسبنالها حساب ..
بولس: شو كمان؟
جحا: الأب و الابن مفاهيم زمنية بحتة .. بمعنى أنه الابن مستحيل يكون اجا قبل الآب، و مستحيل يكون أجا في نفس اللحظة، لا بد أنه يكون أجا بعده، فكيف راح تقول أنهم أزليين بما أنهم متحدين؟ طالما انك سميتهم آب و ابن ، فلا تستطيع إسقاط مفهوم الزمن ..
بولس: و الحل؟ انا المهم بدي أنتقم، مش مهم هالصعبانيات ..
جحا: الحل هو .. البركة بالناس .. عندهم حلول و ردود لكل شيء، حتى المستحيل بلاقوله حل، اسمع مني، انا لفيت بلاد و شفت ناس و عالم، فش اشي إلا و له تبريرات .. حتى لو هم عارفين انه باطل بلاقوله تبريرات، هي علقت على هاي بس؟
بولس: يعني أتوكل ؟
جحا: اتوكل يا سيدي .. و انا بدي أستأذن منك، أطير بهالحمار (آلة الزمن) لقدام شوي، و أراقب نتائج أعمالك، و بالمرة أشوف شو آخر أخبار الأديان و المعتقدات اللي راح ألاقيها بطريقي ..







يتبع الشهر القادم ، في عصر التدوين ..