سوريتي حلوة ... و ناسها احلا ....
ما دام فيها ناس متلك يا اميل, بتضلها روعة ........

رح احكيلك ها القصة,.... قصة صارت معي ..
من شي اربع ...خمس سنين...
مرة انعزمت على حفلة عيد ميلاد صبية كندية, ما بعرف بالحفلة غير صاحبة الدعوة..
و الحفلة ببيت حماتها الارملة ... اول مرة بدخل ع البيت ..
قعدت ع كرسي ع جنب, و عم استمتع بالموسيقى, بتجيني سيدة لطيفة جداً في الستينيات من عمرها ..
بتقعد حدي, و بتبلش تحادثني, عرفتني عن نفسها انها صديقة الارملة لاكثر من اربعين سنة ...قالت لي: '' انا اصولي من المجر ... و انت من وين?''
قلت لها : '' انا سورية, .... ''
بتتطلع فيني و بتقلي ... '' انت من ارض الحضارات, انت من ارض اقدم الحضارات. لك الفخر ..انت من اجمل بقعة في العالم......''

بعدين بعرف انه هيدي السيدة ... سيدة يهودية مجرية الاصول, هاجرت طفلة هرباً من الهولوكوست. متزوجة من بروفسور في العلوم الانثروبولوجية و اللغات الشرقية في احدى الجامعات هون.

لا تزال كلمات تلك السيدة تطن بأذني...

اميل .. اذا الآخرين بيعرفوا قيمة ارضنا, ليش نحنا لاء ...
:rose:

ما بقدر اتذكر غير بضعة كلمات من قصيدة غنتها فيروز:

بروحي تلك الارض, ما اطيب الربا
ما احسن المصطاف و المتربعا


اميل... (f)

'' لو لم اكن سوريّة لوددت ان اكون سوريّة ''


(f)