مساء الخير.

عزيزي ايميل و جميع الأعزاء الذين كتبوا في هذا الشريط:

ما بعرف ليه لما بتنجاب سيرة سوريا بنخبط فوقاني تحتاني.
أحاسيس متضاربة جدا بتخلعني خلع.
أنا رجعت عا سوريا بعد ما ولدت ببلد تاني و عشت فيه ل 25 سنة. و فرق كبير بالحضارة و التعامل. و لهلاء بسافر كتير لبرا.
يعني:
شي بسب و بحشك عالبلد و الناس.
وشي بيفور دمي لما حدا بيحكي عليها.
طبعا في أخطاء.
بس يا جماعة و الله كمان في مغناطيسية.
لما برجع عاسوريا بعد سفر, بحس بمغنطيس و أنا عم بقرب عليها.
يا أيميل البلد بناسها و كمان بغير ناسها.
يحرءء ديك هالشغلة, و الله شي بيعقد عنا.
يعني بتلاقي سمو بالحضارة و بتلاقي متل ما قلت زبايل.
بتلاقي تنوع طبقي و ثقافي و بتلاقي مقرفين: علما أني ضد الطبقية, بس المزارعين بيتحافظ عليهون بغير دول مو بينحشوا بالمدنية حشي.
و الله ما بعرف.
بتعرفوا شغلة:
يعني البلد بظني بدو بس شي 500 مليون دولار و قلب واحد صافي من هالرؤساء الوزارة بيصير سويسرا.
و ياريت يكون الريس عم يقرأ هون.
و هي احدى ميزات سوريا... بتصهر كلشي بقلب بعضو.

و شي تاني كمان:
شايف هالبهدلة اللي عم ينحكى عنها: هي أنا بعتبرها فرص عمل و تطور للمستقبل. مو بس نحنا السوريين, في أجيال كتيـــــر رح بتجي بعدنا. بقا مو لازم يكون عندون شغل, مو؟


تصبحو عا بلد أحلى.