يمكن مش معركتك بس هيدي معركتنا ...

بالأول .. النساء في بلدي تقاوم و تقاتل و تحارب مع رجالها – فمعركتك النسوية غير معركتهن النسوية
ثانيا .. لا حرب مشروعة و لكن المقاومة مشروعة
ثالثا .. المقاومة شرعيتها من الشعوب لا من الدولة و السياسة
رابعا .. ما أطلقت عليه نتوء هو جبل ولكن ربما لبعد المسافة لديك ظننت انه نتوء
خامسا .. مين هنن العرب ؟ وين هنن العرب ؟؟ انت مسمية حالك عربية و الفلسطينيين و اللبنانيين عرب فمعناتها المعركة معركتك متل ما هي معركتنا .. الا اذا كنت انت مش عربية و اسمك مجرد من معناه أو الفلسطينيين و اللبنانيين مش عرب برأيك .

الأفظع من يلي بياكلو لحوم البشر يلي بيشوفوا البشر عم يتاكل لحمها قدام عيونن و بيقعدوا و بينظروا عليهن .
والكلام الفاضي بعتقد مش من الاوزاعة بس .... و زمان المعارك الشريفة لسى موجود بالنسبة النا ما بالنسبة لغيرنا شو الوضع ...


و الله شي عجيب ... يا عالم يلي بيعتقد انو هيدي مش معركتو و انو هو ما خصوا بالحرب يلي عم تصير هلأ فليش ليبصق على الشهدا يلي راحوا بمعارك مؤمنين فيها ليش ليشمت بالناس يلي تشردت و انحرقت بيوتها خلص يتركن لحالن بمعركتن و يسكت ..
ثانيا ما حدى طلب من حدى انو تكون هيدي معركتو هيدي معركتنا و نحنا يلي بنصها مش غيرنا ..
و شو هالحكي انو شيعة و ما شيعة و شو بيعرفني ؟؟ كتايب حزب الله فيها مسيحيين و فيها سنة و فيها شيوعيين و ملحدين من الجنوب و الشمال كمان ليلي ما بيعرف ..و هي حماس سنة كمان تابعة لأيران ؟ .. الكل عرب و كراد و تركمان و غيرهن عايشين على ارض وحدة شعب واحد بوطن واحد و العدو واحد و المغتصب واحد و القضية وحدة .. ثانيا يلي ما بدو ايران تتدخل بأمورنا و تقاتل عدونا يجي و يجيب العرب معو و يقاتل هو و ياهن ..

ثانيا تعوا فرجونا يلي عم تحكوا و مش فهمانين عن شو عم تحكوا شو بيطلع معكن .. هي الفلسطينيين كانوا عم ينقتلوا كل يوم شو ساويتو غير تشوفوهن على التلفزيون و انتو عم تشربوا كوكاكولا و تاكلو كبسة .. و لما بيجي حدى بيقاوم و بيتحدى و بيعمل شي ولو كان قليل بتبدوا تنظروا و تقولوا شو هالعملة يلي عملها .. أو انو ما الكن علاقة لا بفلسطين ولا بغيرها و ساعتها اعفونا من تصريحاتكن و تعليقاتكن ..

يلي ما بيعتبر هيدي معركتو .. لا يحكي لأنو ما بيحقلوا يحكي
يلي ما بيعتبر انو الشهدا و المشردين مش أهلو .. لا يحكي لأنو ما بيحقلوا يحكي
و يلي بيحكي عن الحركة النسائية و عامل حالو نصير الحركة النسائية العالمية و النساء ببلدي عم يغتصبوا و ينقتلوا و يترملوا و يتيموا كل يوم و هو ساكت و عم يناصر النساء حول العالم .. كمان لا يحكي لأنو ما بيحقلوا يحكي
و يلي بيعتقد انو يلي صار هو مغامرة غير محسوبة فياريت يورجينا حساباتو و شو بيطلع معو ...
و يلي بدو الهدوء مشان يكمل نومتو يسكر على حالو الباب و يحط راسو تحت المخدة
و يلي ايدو بالنار مش متل ايدو بالمي .. و يلي اهلوا معتقلين من عشرة و عشرين سنة مش متل يلي قاعد وساكن كل يوم ... و يلي مفكر انو اسرائيل لح تجي بيوم و تطلق الأسرى و ترجع الأرض و تعمر البيوت و تحيي الموتى فخليه نايم بالعسل و الله يبعدوا و يسعدوا ..
و يلي بيقول انو صوت العقل لازم يغلب و من هيدا الحكي يلي ما بيقدم ولا يأخر فشفنا العقل يلي عم يحكوا عليه لوين وصلنا ...

الأرض محتلة و المقاومين بالسجون من سنين و الناس عم تموت كل يوم بحرب من طرف واحد .. و المعارك بحياتها مش لح تنتهي و في أرض مسروقة و ناس عم تموت و يلي نسي أرضو و ناسو حياتو معدومة أساسا ... و يلي عم يلحق السياح الخليجيين و زعلان على انن راحوا و مش لح يقبض فلوس منهن بالناقص منو .. يلي بدو يعيش بكرامتو لازم يكسبها و يقاتل ليحصل عليها .. الحكي لا بيقدم ولا بيأخر .. يستشهد مية و يستشهد ألف و استشهد انا و تستشهد عيلتي كلها بس على الأقل بكرامة و نحنا عم نقاتل يلي عم يقتلنا و اذا ما كان فينا نعيش بكرامة فخلينا نموت بكرامة و نحنا رافعين راسنا و عم نقاتل .

سلام