[CENTER]تحياتى للجميع(f)

جاءتنى من فتره نكته سياسيه
لكن قد توضح اسباب ردود فعل العرب السلبية تجاه كل شىء
اعتقد انها تفسر الصمت حتى فى الحروب:(

النكته الأولى وصلت لى باللغة العربيه لكن كانت الأسماء مختلفه
بدلا من بوش كان حسنى مبارك



نكتــة في ســرّك

نكتـة رقم اثنيــن




مرّة الريّس عايز يزوّد شعبيته فقال لرئيس الوزراء يعلّي الأسعار فالناس تتضايق.. يقوم هو ينزّلها بالتالي شعبيّته تـزيد

فعلا رئيس الوزرا زوّد الأسعار، بس الناس ما اتكلمتش، عادي خالص

الريّس استغرب قوي، وقاله: طب خلّي الضرايب على المرتبات خمسين في الميّة.. زوّد رئيس الوزرا الضرايب خمسين فى الميّة، الناس هزّت دماغها وسكتت

الريّس اتجنّن وقال لرئيس الوزرا: بص، طلّع أيّ قرار غشيم من عندك يخلّي البلد تولع

رئيس الوزرا عمل ضريبة اللي يعدّي كوبري يدفع عشرة جنيه، الناس نفخت و ضربت كف بكف ودفعوا

فقام رئيس الوزرا خلّى اللي يعدّي يدفع عشرة جنيه وهوّ طالع، وعشرة جنيه كمان وهوّ نازل من الناحية التانية، الناس قالت اللهم طوّلك يا روح و أمرنا لله و دفعوا

رئيس الوزرا كبرت فى دماغه، وأمر إن اللي يعدّي بعد ما يدفع عشرة جنيه، و هو خارج من الكوبري ياخد على قفاه

*******

نزل الريس بعد فترة بنفسه متنكّر يتابع الموقف، الناس تدفع وهيّ طالعة الكوبري عشرة جنيه، و عشرة جنيه و هيّ نازلة و تاخد على قفاها وتمشي


شويّة و لقى واحد بيزعّق و متضايق، وطّى على ودنه قالّه :مالك؟

قالّه: حاجة تقرف ! أنا متعطّل هنا بقالي خمس ساعات..ما ينفعش كده ..لازم يزوّدوا الناس اللي بتدينا على قفانا
!!!!!!!!

*******[/CENTER]