وصلني على بريدي الخاص ما يلي

حدث فى قسم عين شمس

تابعت

المنظمة المصرية لحقوق الانسان شكوى سهام ممدوح محمود التى قدمتها فى وقت سابق ضد احد ضباط قسم عين شمس، كانت سهام قد تعرضت للاحتجاز غير القانوني وتحرش جنسي وتعذيب داخل قسم شرطة عين شمس وكانت نيابة عين شمس قد استمعت
لمحامو المنظمة و لأقوال سهام


واما م النيابة قالت المجنى عليها " أنا شغالة في مركز اتصالات في شارع عين شمس
و في يوم الاثنين الموافق 5/6/2006 م حصلت سرقه لكروت الشحن ورحت أنا و صاحب مركز الاتصالات لقسم شرطة عين شمس علشان نعمل محضر بالسرقة لكني لقيتهم حجزوني في القسم في حجره منفردة لوحدى وبعد نص ساعة تقريبا لقيت ظابط دخل الغرفة اللي أنا محجوزة فيها وطلب مني اكشف جسمي و أسيب له نفسي علشان يخرجني و لما رفضت لقيته راح ضربني وشد هدومى و كشف صدري و مسكه بأيده رغم اني كنت بقاومه بعد كده راح رماني على الأرض وضربني برجله في بطني و ظهري وأماكن متفرقة من جسدي و نزفت دم كتير و أغمى علي و بعد كده عرضوني على النيابة المسائية و أخلت سبيلي"
تجدر الاشارة الى ان سهام لا يتجاوز عمرها 19 عاما، وهو ما يعنى انها قاصر فى
نظر القانون ، غير ان ذلك لا يؤثر على حقوقها الانسانية ومن بينها الحماية من التعذيب .المفارقة فى الامر ان تاريخ سماع النيابة لاقوال سهام هو نفسه اليوم العالمى لمناهضة التعذيب!!.
مدونة تعذيب