أتمنى من عم طارق , ان يظل هذا الموضوع مفتوح ... لأن بصراحة الواحد بقى حاسس انه قاعد فى مدينة الألغاز .

لا عارف يكلم مشرف , ولا يعرف مين المسئول عن هذه المنشأة .

حقيقى يا طارق ( تجربة نادى الفكر ) تجربة فريدة بجميع انواعها , فانا ممكن انقدك , وتترك مشاركتى كما هى .

وبصراحة ,بتاريخ ليس بسيط فى سجون المنتديات ... أقولك انكم اتحتم أكبر كمية حرية فى منتدى نطق بالضاد , ولم يتم توجيه المنتدى بأيديولجية محددة , حتى لادينى نفسه .. موجه أيديلوجيآ .


لكن فى الاونة الاخيرة , بدأت الأدراة تتصرف برخامية ... وبدأت الكل يحس ان النصوص تفسر فى صالح ناس , وناس .

وهى حالات ليست كثيرة , على سبيل المثال :

* قضية الموضوعات المميزة ... حتى الان لم يخبرنا احد على اى اساس بيتم تمييز الموضوعات ! ولاسف اكتشفت حديثآ انها بأيد المشرف .
الذى لاسف اغلبيتهم لهم ايديولجيات من أشتراكية الى مسيحية , وقد تكون أسلامية برضه .... فمن الأفضل ان يكون ذلك بأيد الأعضاء عند طريق تقييم الموضوع , ولا ايه !


* قضية اخرى , وهى شخصية المشرفيين ... يا أخى رسل الله اذا كنت تؤمن بهم , أخطائوا .
العلماء والملحدة , يخاطئون .
ومشرفين نادى الفكر , منزهيين عن الخطأ .
فحتى الان , يحاط كدر المشرفين بسرية تامة ... ولا نعرف من هم ! ولا اتجاهتم ... فلماذا لا يكون الأشراف دورى نوعا ما , مثلا كل 6 شهور يتم تغيير مشرفيين الأقسام الساخنة ... الحر والدينى .

* قضية ثالثة :
ما هى حقيقة ان الادراة تقدر تتطلع على الرسائل الخاصة ؟ وان هذه النسخة فيها هذه الخاصية و والتى يقال انها أتلغت من النسخ الأحدث ؟
وهل تتطوير النسخة , مرتبط بهذه المشكلة ... اذا كانت مشكلة من وجهة نظرك .

* بقلنا مدة طويلة بنطلب قسم داخلى فى ( قرأت لك ) يكون خاص بالمكتبة ... لكن محدش حتى رد علينا , والموضوع فى قسم الأقتراحات من زمان ...

* قضية اخرى :
احنا هنا تقريبا اسرة واحدة , واعضاء فى نادى جميل .. اذا كان هناك شخص يسبب مشاكل , الا يحق لأعضاء البيت ان يصوتوا اذا كانوا يرغبون فى تواجد هؤلاء الأفراد ولا لا ...

هناك اشخاص مستفزة , لا زالت موجودة حتى الان ... والله وحده يعلم , ما يكتبون ؟
أمتى هنشوف هذا الكلام يطبق ... ويكون بنسبة 70 % عشان ضمان العدل .
مش معقولة , كام واحد يقعد يلف فى المنتدى ... يجعل المنتدى يتجه الى الشخصنة , والامر أصبح واضح فى الفترة الاخيرة , حتى أصبح " نادى الفكر الشخصى " بدل من " العربــــى " .




حقيقى الواحد مصدق حد يكلمه , لان عدم الحوار مع الاعضاء ومحاولة تقريب وجهات النظر هيعمل مع مرور الزمان فجوة , هتزداد سعتها .




فى مشكلات كتير قوى , ومحدش بيسمع .. ولو سمع بيطنش .


انا شخصيا مقدر تعبكم , وعارف ان فى حاجات محدش يعرفها طالع دينكم فيها ... فأنتم لستم ألهة !
لكن هذا لا يعنى وجود , وجهات نظر بحاجة الى التقريب .

برأى يا طارق , ان الادراة لازم تتصالح مع الاعضاء ... وتنهى نظرية الظلم والضحية اللى سائدة فى المنتدى من أول لأصغر عضو .... بأعلان فكرة البرلمان لمرة اخرى . ..



المسلم يقلك - دى ادراة ملحدة , وظالمينا . والملحد قالها " دى ادراة سلفية " . والمسحيى نفس الكلام .... وكله شاعر بالظلم فى النادى .

ربنا يكون فى عونك وتسمع ... لان اللى بيسمعوا قلوا قوى اليومين دول .