محدش عايز يتكلم كالعادة ولازم أفتح أنا الباب

بالنسبة للخمور فالكحول عمله الرئيسي إنه بيثبط القشرة المخية التي يوجد بها المراكز العليا بجانب بعض التأثيرات الأخري وده بيعتمد أساسا علي الجرعة وبالتالي تجد الشخص السكران بيتصرف تصرفات غير مقبولة إجتماعيا ويمر السكران بعدة مراحل وهذا الكلام كلام بارات بس ليه برضه أساس علمي
أولا الجوكوز Jokose
وهي مرحلة يتم الوصول إليها بقزازة بيرة أو إتنين والشخص بيبقي روش ولذيذ مع الناس بس من غير قلة أدب وهرتلة

ثانيا البليكوز playcose
ودي عايزة من 3ـ4 قزايز بيرة والشخص بيبقي كثير الحركة ومش قاعد علي بعضه ويبتدي يلوش ويضرب مقصات بس في حدود المعقول

ثالثا اللاكريموز lacrimose
دي بأه مرحلة سودا ومهببة وبيحصل فيها هرتلة جامدة وممكن تبقي قاعد في بار وتلاقي واحد بدأ يعيط تعرف إن البعيد طينها

رابعا الكوماتوز comatose
يعني تخش في غيبوبة ومبتبقاش دريان بأي حاجة

طبعا المرحلتين الأخيرتين يستحيل ممارسة الجنس فيهم أما بالنسبة لأول مرحلتين فممكن بس عامة ال performance بيبقي أقل من الطبيعي كما أن الكحول له تأثير مخدر للإحساس في الجلد وبالتالي درجة التمتع بتكون أقل بس الواحد بيبقي متهيأله إنه عنتر زمانه

طبعا بالنسبة للحريم الوضع مختلف وكمعلومة علمية الحريم عندهم الإنزيم اللي بيكسر الكحول نسبته تلت النسبة اللي عند الراجل وبالتالي تجدهم بيسكروا بسرعة جدا وبعض الرجال الأشرار بيستغل هذا ويقعد يشرب المزة لأغراض دنيئة

بالنسبة للماريجوانا فتأثيرها مختلف وعامة الناس إستجابتها للماريجوانا متباينة بشكل كبير يعني ممكن واحد يدخن جوينت تلاقيه جاله إكتئاب وأتكتم واحد أشتغلت معاه ببارانويا وحاسس إنه هيموت وواحد بقي رغاي ومش عايز يسكت كما أن هناك أنواع كثيرة جدا من الماريجوانا والأنواع الراقية هي الهيز والفاين ودي سعرها أغلي حتي من الهيروين يعني الكيس تلاقيه يعمل سيجارتين ب 20 دولار وتلاقي الأونز منه بحوالي 500 دولار في حين الماريجوانا العادية الأونز بحوالي 100 دولار

بالنسبة لتجربتي الشخصية فالماريجوانا بتخلي حواسي حادة جدا بمعني إني بكون أكثر قدرة علي تذوق الأكل كما إني أستمتع أكثر بالموسيقي طبعا مع إحساس مختلف بالوقت

بالنسبة للجنس فنتيجة إن أحاسيس الواحد بتبقي حادة جدا فممارسة الجنس مع الماريجوانا شئ مختلف تماما عن الممارسة السادة ولكن أهم شئ إنها بتعيد للحياة حاسة الشم وهذه الحاسة في الأحوال العادية ليس لها دور كبير في ممارسة الجنس عند البني أدمين ولكن نجد أنها هي الوسيلة الرئيسية للإثارة عند الحيوانات

المرأة من غير ماتحط أي عطور بينبعث منها رائحة خاصة أنا بسميها الهبو الإستروجيني وهما من تعودهم عليها مبيبقوش حاسين بيها زي ما الواحد لما يجيب ساعة جديدة ويلبسها يقعد حاسس بوجودها في الأول بس بعد كده بيفقد هذا الإحساس وده إسمه التعود والرجالة لأن حاسة الشم عندهم ضامرة مبيبقوش واخدين بالهم بس مع جوينت ماريجوانا تعود هذه الحاسة للحياة وبتخلي الواحد يتعرف علي هذه الرائحة الخاصة وهذه الرائحة لها تأثير لا يضاهي في إثارة الرجل

الكلام ده أيضا ينطبق علي باقي الحواس فحاسة اللمس بتبقي حادة جدا وشوية مساج وأنت عالي بتخليك في دنيا تانية وطبعا كل ده بيؤدي لحالة إثارة غير طبيعية وبيكون الإنتصاب قوي جداكما إن الماريجوانا بتطلق العنان لكل أفكارك ومشاعرك المكبوتة وأنا شخصيا من هواة الكلام أثناء ممارسة الجنس وببقي عامل زي المره اللتاتة وبقول كلام مستحيل أقوله وأنا في حالة طبيعية وبيصل الأمر إن الواحد ساعات يقعد ينـكت وهو شغال

بالنسبة للمدة فأنا مش عايز أقول أرقام محدش هيصدقها بس كان في مقولة بتقول إن الماريجوانا بتدي إحساس خاطئ بطول المدة وأنا شخصيا إكتشفت خطأ هذه المقولة وفعلا ممكن تقعد تشتغل لمدة أكثر من ساعة لغاية لما تزهق

من ضمن مميزات الماريجوانا إنها بتخلي خيالك واسع في السرير وممكن لو معاك واحدة مش عجباك ونايم معاها كنوع من الصدقة الجارية إنك تغمض عينك وتتخيل إنك نايم مع شارون ستون أو سلوي خطاب ـ أدفع نص عمري وأنام معاها- كما إنها بتخليك مبدع جدا في مسألة الأوضاع

طبعا لو البنت اللي معاك دخنت معاك الجوينت تبقي أنت أمك دعيالك وهتعمل أوين تاريخي ولو كانت من النوع اللي بيسيح ويشرد وتقعد تقولك مخدرات وإدمان وبلا أزرق فيستحسن تاخدها من قصيرها وتروح داخل الحمام شارب الجوينت مع نفسك وحاطط قطرة في عنيك وراشش شوية إسبراي معطر وسيبها تتفلق


الماريجوانا ليس فيها إدمان ولكن مشكلتها إنها لايمكن تقدر تعمل حاجة عايزة تركيز وأنت عالي زي المذاكرة أو الشغل وأنا شخصيا حتي مبسوقش وأنا عالي وعلشان كده أحسن وقت للتدخين هو أجازة أخر الأسبوع أو الأجازات

أنا طبعا أول مارحت أمريكا كنت عامل زي ماأكون مخبي سر كبير ومتكتم علي الأمر وكأنه أسرار نووية ولكن شوية بشوية أكتشفت إن كتير جدا من اللي حواليه ضريبة أنفاس بس علي المداري ومعظمهم ناس محترمة وفي مراكز مرموقة ولما أتعرفت عليهم أكتر وأتعزمت في حفلاتهم وهما بدأوا يثقوا فيه أنكشف المستور وعرفت إن الموضوع عادي ومش أنا المنحرف الوحيد

دائما أتذكر مقولة لأحد أصدقائي وهي أن الماريجوانا علاج إذا أستخدمت بطريقة سليمة وأنا شخصيا مؤمن بهذه المقولة فأنا عمري في حياتي ماخدت أي مهدئات أو مضادات إكتئاب أو أي أدوية من هذا النوع ولكن دايما كنت مسلم أمري لربنا ومعتمد علي الأنفاس علشان أفسي دماغي بدل ماتطرشق من كتر المصايب اللي حصلت للواحد

أقول قولي هذا وأستغفر الله لي ولكم
أقم الصلاة